З 3 чэрвеня па 17 ліпеня 2008 года ў зале нотных і аўдыёдакументаў (пам. 305) праходзіць тэматычная выстаўка "Музыка Усходу".
Усходняя культура заўсёды цікавіла і будзе цікавіць чалавецтва. Яе неад’емным і самым яркім элементам з’яўляецца музыка.
Музыка Усходу... Шмат супярэчлівых асацыяцый узнікае ў свядомасці як толькі з’яўляецца гэты тэрмін, што ўключае ўсе пласты музычнай спадчыны ўсходніх народаў, – фальклор, прафесійную і культавую музыку. На Усходзе склаліся музычныя культуры, адрозныя адна ад адной па ўзроўні развіцця, гукавых сістэмах, сродках выражэння.
На выстаўцы экспануюцца кнігі, якія знаёмяць з музычнай культурай Індыі, Кітая, Японіі, В’етнама, Карэі і арабскіх краін. У ліку прадстаўленых выданняў – Гараховік А. «Музыкальная культура Индии», Менан Рагхава Р. «Звуки индийской музыки», «Музыка народов Азии и Африки», Еалян І. «Очерки арабской музыки», Вінаградаў В. «Классические традиции иранской музыки», Лян Я. «Азы пекинской оперы» і інш. Побач з кніжнымі выданнямі экспазіцыя знаёміць з публікацыямі з часопісаў «Культуры: диалог народов мира», «Азия и Африка сегодня», «Восточная коллекция», «Индия», «Музыкальная жизнь», «Курьер ЮНЕСКО», «Советская музыка», «Мелодия» і інш.
Шырока прадстаўлена на выстаўцы калекцыя нотных выданняў і аўдыёдакументаў з фондаў Нацыянальнай бібліятэкі Беларусі. Сярод музычных твораў – «Усходняя калекцыя», «Арабская мелодыя», «Японская ваза», «Індыйскія замалёўкі», «Магамет», «Кітайскія народныя песні», «Collection of Chinese Violin Works», «Six Japanese Folk Songs», «Японскія песні» , «Песні В’етнама» , «Карэйскія народныя песні», «Ofra Haza», «Арабскія мелодыі», «Lama Karta», «Іран», «Tea Travel», «New Chinese Music», «Tso henguan», «В’етнам», «Hiroki Okano», «The Ondekoza», «Koku Nishimura», «Shomyo», «Gagaku», «Японская музыка Като», «New Japan Music» і шматлікія іншыя.
Выстаўка разлічана на шырокае кола наведвальнікаў.
Кантактны тэлефон: 293-27-52
 |
 |
 |
 |
 |
 |
