ГалоўнаяНавіныНавіны бібліятэк
Гісторыя Беларусі: станаўленне нацыянальнай дзяржаўнасці
Здабыткі: дакументальныя помнікі на Беларусі

Рэканструкцыя дакументальнай спадчыны і бібліятэкі Нясвіжскай ардынацыі Радзівілаў

Рэканструкцыя дакументальнай спадчыны і бібліятэкі Нясвіжскай ардынацыі Радзівілаў
Іншыя навіны

12 снежня 2008 года ў Нясвіжскім палацы Радзівілаў (г. Нясвіж) адбылося другое пасяджэнне Міжнароднага савета па праекце віртуальнай рэканструкцыі дакументальнай спадчыны і бібліятэкі Нясвіжскай ардынацыі Радзівілаў.


Арганізатарамі пасяджэння выступілі Беларускі навукова-даследчы цэнтр электроннай дакументацыі і Нацыянальны гісторыка-культурны музей-запаведнік “Нясвіж” пры ўдзеле Нацыянальнай камісіі Рэспублікі Беларусь па справах ЮНЕСКА і фінансавай падтрымцы Бюро ЮНЕСКА ў Маскве.

Міжнародны савет па праекце віртуальнай рэканструкцыі дакументальнай спадчыны і бібліятэкі Нясвіжскай ардынацыі Радзівілаў быў створаны ў мэтах выканання рэкамендацыі Міжнароднай канферэнцыі «Праграма ЮНЕСКА «Памяць свету»: дзейнасць бібліятэк, архіваў, музеяў па захаванні дакументальнай спадчыны», якая праходзіла ў Нацыянальнай бібліятэцы Беларусі 30 лістапада – 2 снежня 2006 года.

Першае пасяджэнне савета адбылося ў Мінску 27 красавіка 2007 года. На ім было прянята рашэнне аб ажыццяўленні кожнай краінай усяго комплексу работ па рэканструкцыі архіўных, бібліятэчных і музейных збораў Нясвіжскай ардынацыі Радзівілаў, якія маюцца ў яе распараджэнні.

Першыя вынікі гэтай работы і планы на бліжэйшы час былі абмеркаваныя ўдзельнікамі другога пасяджэння, у якім прынялі ўдзел прадстаўнікі Нацыянальнай камісіі па справах ЮНЕСКА, архиўных і бібліятэчных устаноў Беларусі, Польшчы, Расійскай Федэрацыі, Украіны і Фінляндыі, кіраўнікі Нацыянальнага гісторыка-культурнага музея-запаведніка «Нясвіж». Нацыянальную бібліятэку Беларусі прадставілі дырэктар Р.С. Матульскі, намеснік дырэктара па навуковай рабоце і сувязях з грамадскасцю Л.Г. Кірухіна, загадчык НДА кнігазнаўства Г.У. Кірэева.

Па выніках работы пасяджэння быў прыняты выніковы дакумент, у якім сфармулявана праграма суместных дзеянняў на 2009 год і падкрэслена, што рэалізацыя дадзенага праекта забяспечыць адкрыты доступ да навукова-даведачнага апарату архіўных і бібліятэчных матэрыялаў, а таксама будзе садзейнічаць ажыццяўленню нацыянальных праектаў і праграм па вывучэнні і захаванні дакументальнай спадчыны краін-удзельніц.

Навіны

Скот Кэрал: “Беларусь стала нам вельмі дарагой”

23 Кас 2019

На працягу тыдня знаходзіўся ў нашай краіне з візітам знаны навуковец з ЗША, кіраўнік “Групы даследавання рукапісаў”, гісторык і археолаг, доктар філасофіі Скот Кэрал. Летась ў Нацыянальнай бібліятэцы Беларусі паспяхова прайшла міжнародная выстава “Беларусь і Біблія”, куратарам якой ён з’яўляўся.

Навіны бібліятэк

Святло зоркі, вернутае праз стагоддзе

22 Кас 2019

17 кастрычніка ў Дзяржаўным музеі гісторыі беларускай літаратуры адбылася лекцыя Ганны Севярынец “Крытык і сусвет. Адам Бабарэка, літаратура і літаратары”, адна з чатырох запланаваных да 120-годдзя таленавітага літаратуразнаўцы.

Аўтарскі погляд

14 Май 2008

Вялікі ўклад у развіццё літаратурнай бібліяграфіі краіны, распрацоўку яе методыкі, даследаванне жыцця і творчасці славутага беларускага паэта М. Багдановіча ўнесла выдатны бібліёграф, літаратуразнаўца, заслужаны дзеяч культуры Беларусі, член Саюза пісьменнікаў Беларусі Ніна Барысаўна Ватацы (14.05.1908 – 03.08.1997).

Партрэты: гісторыя бібліятэкі ў асобах

“Мінскае жыццё” на старонках газеты “Звон”

22 Кас 2019

У Беларусь польская інтэрвенцыя пачалася ў канцы лютага 1919 года. Палітычнае і ваеннае кіраўніцтва Польскай дзяржавы на чале з Юзэфам Пілсудскім разглядала Беларусь у якасці яе неад'емнай часткі. Ужо ў першай палове сакавіка 1919 г. польскімі войскамі былі захоплены гарады Брэст, Слонім, Ваўкавыск, Скідзель, Шчучын, Пінск. Праз месяц польскія войскі ўзнавілі наступленне. У ноч на 17 красавіка яны прарвалі Заходні фронт і захапілі Ліду і Баранавічы, а 21 красавіка – Вільню.

Праект “Сведкі эпохі: Беларусь на старонках газет 100-гадовай даўніны”

“Гадзіна музыкі” адкрывае новы сезон

21 Кас 2019

Нацыянальная бібліятэка Беларусі сумесна з Нацыянальнай акадэміяй навук Беларусі ў рамках “Гадзіны музыкі” адкрываюць новы сезон інтэрактыўных лекцый “Беларуская музыка ў сусветнай мастацкай прасторы”.

Навіны Нацыянальнай бібліятэкі Беларусі

111