ГалоўнаяНавіныНавіны бібліятэк
Праект “У госці да кніг”: 5 гадоў і 5 поспехаў
#BelBookChallenge прапануе: кніга, дзе ён яе кахае, а яна яго не

Радыёканал "Культура" рыхтуе спецыяльную праграму да юбілею Івана Шамякіна і Івана Мележа

Іншыя навіны

Канал “Культура” Беларускага радыё адзначыць у эфіры юбілейныя даты з дня нараджэння Івана Шамякіна і Івана Мележа спецыяльнымі выпускамі ўласных праектаў і падборкай аўдыяпастановак паводле твораў абодвух класікаў айчыннай літаратуры.

Shamiakin.jpg

100-годдзе народнага пісьменніка Беларусі Івана Шамякіна, якое споўніцца 30 студзеня, тут пачнуць ушаноўваць ужо ў найбліжэйшыя выхадныя. Так, 23 і 24 студзеня ў напаўненні перадачы “Радыётэатр плюс” выкарыстаюць дзве часткі радыёспектакля “Адна на падмостках” паводле аднайменнай аповесці класіка. Галоўную ролю ў гэтай пастаноўцы 1994 года выканала народная артыстка Беларусі Марыя Захарэвіч. А непасрэдна ў святочныя выхадныя 30 і 31 студзеня ў літаратурна-мастацкім праекце прагучаць радыёспектаклі “Трывожнае шчасце” і “Выгнанне блудніцы” паводле твораў Івана Шамякіна.

“Гэтыя аўдыяльныя работы, створаныя паўстагоддзя таму пры ўдзеле акцёраў двух галоўных драматычных тэатраў краіны – імя Янкі Купалы і Якуба Коласа – не страчваюць сваёй актуальнасці, – адзначае дырэктар канала «Культура» Уладзімір Трапянок. – Юбілейныя даты дазваляюць нам зноў і зноў звяртацца да выбраных радыёспектакляў, каб нагадаць пра іх пастаяннаму слухачу, а таксама пазнаёміць маладое пакаленне з найлепшымі літаратурнымі творамі Беларусі, якія некалі набылі аўдыяльнае гучанне і сталі здабыткам мастацкага радыёвяшчання краіны”.

Mieliez.jpg

А 100 гадоў з дня нараджэння народнага пісьменніка Беларусі Івана Мележа, што прыпадае на 8 лютага, радыёканал “Культура” адзначыць у першыя выхадныя апошняга зімовага месяца трансляцыяй інсцэнаваных апавяданняў “У завіруху” і “Ноччу”, а таксама радыёспектаклямі “Хто прыйшоў уначы” і “Подых навальніцы”.

Аўтар публікацыі: Алена Драпко.
Крыніца: Звязда

Навіны

Апублікавана праграма Міжнародных кнігазнаўчых чытанняў

20 Кра 2021

22–23 красавіка ў Нацыянальнай бібліятэцы Беларусі адбудуцца XVІІ Міжнародныя кнігазнаўчыя чытанні. За дзесяцігоддзі правядзення навуковы форум стаў сапраўдным брэндам, пазнавальным сярод даследчыкаў і спецыялістаў розных краін. Штогод у праграме чытанняў – сустрэчы даследчыкаў, навуковыя дыскусіі і абмеркаванні, выставы і прэзентацыі.

Навіны Нацыянальнай бібліятэкі Беларусі

Унікальная магчымасць публікацыі ў часопісах адкрытага доступу для аўтараў навуковых прац з Беларусі

20 Кра 2021

19 красавіка ў Нацыянальнай бібліятэцы Беларусі пры падтрымцы Міжнароднага кансорцыума бібліятэк EIFL і выдавецтва Wiley адбыўся вэбінар, прысвечаны публікацыі навуковых артыкулаў у міжнародных часопісах у рэжыме адкрытага доступу (Open Access).

Навіны Нацыянальнай бібліятэкі Беларусі

Да 125-годдзя з дня нараджэння вядомага беларускага бібліёграфа Адама Антонавіча Сакольчыка

19 Кра 2021

У гісторыі станаўлення і развіцця Нацыянальнай бібліятэкі Беларусі шмат асоб, чый прафесійны ўнёсак у развіццё бібліятэчнай галіны складана пераацаніць. Сярод іх – Адам Антонавіч Сакольчык – спецыяліст з вялікай літары, таленавіты педагог і вядомы беларускі бібліёграф, чалавек з вельмі няпростым і цікавым лёсам.

Партрэты: гісторыя бібліятэкі ў асобах

“Цікава пачытаць”: кніга “Фінансавыя казкі для дзяцей”

19 Кра 2021

17 красавіка ў дзіцячым пакоі на занятках з серыі “Цікава пачытаць” наведвальнікі разам з персанажамі кнігі Я. Фраловай “Фінансавыя казкі для дзяцей” займальна навучаліся фінансавай грамаце.

Навіны Нацыянальнай бібліятэкі Беларусі

Заняткі ў межах конкурсу “Малады беларускі экслібрыс”

19 Кра 2021

17 красавіка адбыліся першыя заняткі ў межах конкурсу “Малады беларускі экслібрыс” з мэтай падрыхтоўкі юных мастакоў да стварэння кніжных знакаў, прысвечаных 100-годдзю Нацыянальнай бібліятэкі Беларусі і 15-годдзю музея кнігі.

Навіны Нацыянальнай бібліятэкі Беларусі

Бібліятэкарам
111