Дыск "Паэты жывуць у песнях" стаў вынікам аднайменнага музычнага конкурсу, скіраванага на папулярызацыю беларускай літаратуры.
Конкурс, арганізаваны "Арт Сядзібаю" для беларускіх гуртоў, быў задуманы як спроба сабраць у адным альбоме песні беларускіх выканаўцаў, напісаныя на вершы класікаў і сучасных айчынных паэтаў.
– На жаль, моладзь слаба ведае творы беларускай класічнай літаратуры, у прыватнасці – паэзіі. Менавіта таму мы і вырашылі здзейсніць гэты праект, – зазначае арганізатар Эмілія Скарабагатая. – Слухаючы нашу складанку, беларусы не толькі пачуюць цудоўную музыку, але і вывучаць вершы нашых паэтаў.
З некалькі дзясяткаў дасланых песень галасаваннем слухачоў і журы былі абраны 16 лепшых твораў, якія і склалі дыск.
Зборнік "Паэты жывуць у песнях" (спампаваць адным файлам)
- VOLK – "О Беларусь, о чайка белая" (сл. В. Дайнэкі)
- Tesaurus – "Ерусалім" (сл. Р. Барадуліна)
- Bosae Sonca – "Псіхіятрычная" (сл. А. Сыса)
- "Нельга забыць" – "Масква – Вечнасць" (сл. У. Караткевіча)
- Bigi – "Можа быць" (сл. А. Плоткі)
- Leibonik – "Птэрадактыль" (сл. В. Лупасіна)
- "Сон-трава" – "Ты пакліч мяне" (сл. Я. Янішчыц)
- С. Макей – "Наша мова" (сл. А. Ставера)
- Т. Салаўёва – "Парыжанін" (сл. В. Куставай)
- Раман Яраш & Цімур Рэйзіс – "Рыбіна" (сл. А. Разанава)
- Фёдар ДАРАФЕЙ Жывалеўскі – "У храме незямным" (сл. Н. Арсенневай)
- The Road Dogs – "I’m Belarusman" (сл. Я. Купалы)
- Sprat – "Беларускае сэрца" (сл. Л. Геніюш)
- vs(rip) – "Быў. Ёсць. Буду" (сл. У. Караткевіча)
- M.G. – "К чорту гарэлку" (сл. Л. Геніюш)
- Wartha – "Паўстань" (сл. Я. Купалы)
Крыніца: "Арт Сядзіба"
