З нагоды 220-годдзя Адама Міцкевіча, якое святкуецца сёлета, Польскі Інстытут у Мінску і Беларускі Фонд Культуры ладзяць Чытанні з “Пана Тадэвуша”.
Litwo! Ojczyzno moja!..
Літва! Ты, як здароўе ў нас, мая Айчына!..
Lietuva! Mano gimtinė!..
Як часта ўсплываюць гэтыя словы ў галаве? У сэрцы? Як яны будзяць успаміны, натхняюць, заклікаюць да дзеянняў, вяртаюць нас да Радзімы, да крыніц, да саміх сябе?
Кожны можа далучыцца і публічна прачытаць абраны кавалак разам з дыпламатамі, літаратарамі, перакладчыкамі, мастакамі, дзеячамі беларускай, польскай і літоўскай культур, а таксама ўсімі, каму блізкая спадчына геніяльнага Адама Міцкевіча, славутага сына Польшчы, Беларусі і Літвы.
Чытаць паэму можна будзе на адной з трох моў: у арыгінале на польскай мове і ў перакладах на беларускую і літоўскую мовы. Для ўдзелу ў Чытаннях неабходна прайсці папярэднюю рэгістрацыю.
Тэатралізаваную частку ладзіць “Тутэйшы тэатр” (рэжысёр – Андрэй Саўчанка).
Музыка – Сяржук Доўгушаў і Канстанцін Яськоў.
Выканаўцы – гурт „Vuraj”.
Чытанні адбудуцца 22 верасня 2018 года з 15-ай да 18-ай гадзіны ў Доме Дружбы (Мінск, вул. Захарава, 28).
Уваход вольны!
Крыніца: Новы час
Чытайце таксама:
Завоссе – малая радзіма Адама Міцкевіча