Цырымонія адкрыцця II Гульняў краін СНД адбылася 5 жніўня на найбуйнейшай крытай пляцоўцы беларускай сталіцы – “Мінск-Арэне”.
Маштабнае свята спорту ахоплівае 11 гарадоў Беларусі. Удзельнікі гульняў змагаюцца за медалі ў 20 відах спорту. Гэта лёгкая атлетыка, валейбол, сучаснае пяцібор’е, стральба кулявая, гімнастыка мастацкая, пляжны футбол, баскетбол 3х3, міні-футбол, спартыўная барацьба (грэка-рымская, вольная, жаночая), пляжны валейбол, гандбол, плаванне, тайландскі бокс, бокс, дзюдо, самба, хакей на траве, цяжкая атлетыка, стральба з лука, каратэ.
Прамыя трансляцыі, расклад і вынікі спаборніцтваў прадстаўлены на сайце II Гульняў краін СНД.
Упершыню Гульні краін Садружнасці Незалежных Дзяржаў прайшлі ў 2021 годзе ў Казані (Расійская Федэрацыя). У дэбютных спаборніцтвах прынялі ўдзел 1 139 спартсменаў ва ўзросце ад 14 да 23 гадоў з дзевяці краін СНД. Беларусы заваявалі на гэтых стартах 69 узнагарод (8 залатых, 32 сярэбраныя, 29 бронзавых) і занялі 5-е месца ў медальным заліку.
Па матэрыялах афіцыйнага сайта Рэспублікі Беларусь Belarus.by.