Пра гэта паведаміла падчас круглага стала, прысвечанага Сусветнаму дню паэзіі і 120-годдзю з дня нараджэння беларускага паэта, дырэктар літаратурнага музея Максіма Багдановіча Таццяна Шаляговіч.
Максім Багдановіч – беларускі паэт, публіцыст, літаратуразнавец, перакладчык; класік беларускай літаратуры, адзін са стваральнікаў беларускай літаратуры і сучаснай літаратурнай беларускай мовы. Нарадзіўся 9 снежня 1891 года ў Мінску.
“На жаль, будынак, які некалі знаходзіўся ў раёне Траецкага прадмесця, не захаваўся. Таму ён будзе рэканструяваны, пасля чаго частка будынка будзе аддадзена музею Максіма Багдановіча”, – патлумачыла Таццяна Шаляговіч.
Па словах дырэктара музея, у юбілейны для беларускага класіка год на базе Нацыянальнай акадэміі навук Беларусі запланавана правядзенне навуковай канферэнцыі “Максім Багдановіч у сучасным літаратурным кантэксце”. Акрамя таго, сёлета ўбачыць свет энцыклапедыя “Максім Багдановіч”, а таксама трэцяе факсімільнае перавыданне прыжыццёвага зборніка вершаў паэта “Вянок” і зборнік успамінаў і прысвячэнняў класіку беларускай літаратуры “Пясняр чыстае красы” з серыі “Жыцце знакамітых людзей Беларусі”. Як адзначыла Таццяна Шаляговіч, у Ялцінскім гісторыка-літаратурным музеі плануецца стварыць залу Максіма Багдановіча.
Намеснік дырэктара па навуковай рабоце і выдавецкай дзейнасці Нацыянальнай бібліятэкі Беларусі Людміла Кірухіна паведаміла, што на Дні беларускага пісьменства будзе прэзентавана мультымедыйнае выданне, якое будзе ўключаць усё, што напісаў Максім Багдановіч. У выданне ўвойдзе літаратурная і выяўленчая спадчына, прысвечаная беларускаму класіку, а таксама музычныя творы на вершы паэта.
“Мы правялі даследаванне і апыталі наведвальнікаў бібліятэк, каб даведацца, чаму сёння аддае перавагу ў чытані моладзь. Высветлілі, што 60% наведвальнікаў бібліятэк, а гэта падлеткі 11–15 гадоў, цікавяцца беларускай паэзіяй, а творчасць Максіма Багдановіча па-ранейшаму натхняе маладых паэтаў”, – расказала Людміла Кірухіна.
Крыніца: БелТА
Чытайце таксама:
- Беларусь широко отметит 120-летие со дня рождения Максима Богдановича
- Общебелорусский диктант по произведениям Максима Богдановича
- Учреждена литературная премия имени Максима Богдановича
- Выставка, посвященная автору «Вянка»
- Праздник поэзии и песни, посвященный Максиму Богдановичу
- К 120-летию со дня рождения Максима Богдановича издадут энциклопедию
