Зборнік змяшчае матэрыялы ХVIII Міжнародных кнігазнаўчых чытанняў, якія адбыліся ў Нацыянальнай бібліятэцы Беларусі 28–29 красавіка 2022 года.
Публікуюцца даклады беларускіх і замежных даследчыкаў і спецыялістаў, прысвечаныя гісторыі і сучаснаму стану нацыянальнайі сусветнай кніжнай культуры, развіццю асветніцкіх традыцый Беларусі. Выданне ўключае тэксты 49 дакладаў. Матэрыялы зборніка адлюстроўваюць разнастайнасць тэм, якія абмяркоўваліся ў межах канферэнцыі:
- 100-гадовая гісторыя фарміравання фонду Нацыянальнай бібліятэкі Беларусі;
- 500-годдзе выдання першай кнігі на гістарычных беларускіх землях;
- Ф. Скарына і яго паслядоўнікі – беларускія тыпографы і выдаўцы XVI–XVIІІ стст.;
- рукапісная кніжнасць Беларусі;
- старадрукі XVI–XVIІІ стст.;
- беларуская кніга ХIХ–ХХ стст.;
- сучасная беларуская кніга;
- гістарычныя бібліятэкі і развіццё бібліятэчнай справы Беларусі;
- беларуская кніга ў айчынных і замежных зборах;
- мастацтва кнігі;
- улік і апісанне кніжных помнікаў Беларусі;
- кніга ў сучасным сацыякультурным і інфармацыйным асяроддзі;
- асобы беларускага кнігазнаўства.
Выданне будзе карысным даследчыкам кніжнай культуры, гісторыкам, філолагам, мастацтвазнаўцам, тэолагам, бібліятэкарам, музейным работнікам і архівістам. Набыць зборнік можна ў кіёску бібліятэкі (на 1-м паверсе, каля цэнтральнага ўвахода).
Матэрыял падрыхтаваны навукова-даследчым аддзелам кнігазнаўства.