13 ліпеня ў мабільнай галерэі Нацыянальнай бібліятэкі Беларусі адбылося адкрыццё фотавыстаўкі “Загадкавы Кітай”.
Работы, прадстаўленыя на выстаўцы, належаць ураджэнцы Беларусі, маладой таленавітай фотамастачцы Лоле Підлускай, якая з 2001 г. жыве ў Кітаі. Пяць гадоў яна правяла ў Шанхаі і столькі ж на трапічным востраве Хайнань. Частыя падарожжы па востраве, жыццё на ім і любоў да фатаграфіі – усё гэта дазволіла стварыць вялікую калекцыю фатаграфій, з якой можна атрымаць багатую інфармацыю.
На выстаўцы Лола прадставіла работы ў розных жанрах фотаздымкі – пейзаж, архітэктурная здымка, анімалістыка, партрэт.
Адкрыў вернісаж загадчык аддзела галерэйна-выставачнай дзейнасці Нацыянальнай бібліятэкі Беларусі Фёдар Ястраб. Гасцей выстаўкі віталі другі сакратар па пытаннях культуры Пасольства Кітайскай Народнай Рэспублікі ў Рэспубліцы Беларусь Чжуан Цзяньпін, член савета ГА “Фотамастацтва” Іван Пятровіч і самыя блізкія людзі аўтара фатаграфій – бацька Лолы Аляксандр Голеў і яе родная сястра Наталля Голева.
Выстаўка “Загадкавы Кітай” будзе доўжыцца да 17 верасня 2010 г.
 |
 |
 |
 |
 |
 |
