27 снежня ў бібліятэцы прайшла святочная праграма для супрацоўнікаў “Навагодняя хваля”.
Сустрэча Новага года – дзіўная пара, хвалюючая і душэўная. Віншаванні “З Новым годам! З новым шчасцем!” мы вымаўляем з асаблівым пачуццём таму, што сказаць іх можна толькі раз на год. Бо менавіта зімой, з Новым годам, да нас прыходзяць радасны настрой і чаканне цудаў!
Па традыцыі, у гэты час мы віншуем адзін аднаго са святам, жадаем шчасця, цяпла, дабрабыту і настройваемся на навагоднюю хвалю!
Генеральны дырэктар бібліятэкі Аксана Кніжнікава цёпла павіншавала калег з надыходзячым Новым годам і пажадала, каб год быў поўны шчаслівых момантаў і радасных падзей.
Павіншаваць калектыў, настроіць на навагоднюю хвалю і нагадаць пра чараўніцтва і цуд прыйшлі Дзед Мароз са сваёй унучкай Снягурачкай.
Яркі святочны настрой стварылі выступленні спявачкі Элен, аэрамядзведзя і артыста-акрабата на коле Сіра Дзмітрыя Бандарэнкі, а таксама фіналіста музычнага шоу “X-фактар” Дзяніса Пацэвіча.
Матэрыял пададзены аддзелам сувязей з грамадскасцю.
