21 чэрвеня а 16-й гадзіне ў галерэі “Панарама” (22-гі паверх) адбудзецца адкрыццё выстаўкі твораў вядомых літоўскіх майстроў з горада Панявежыса Томаса Рудокаса і Дзіяны Рудокене.
Томас Рудокас ужо не першы год узначальвае Панявежскае аддзяленне Саюза мастакоў Літвы. У галерэі Саюза мастакоў курыраваў цэлы шэраг паспяховых праектаў. Ва ўласнай творчасці ён спрабуе сябе ў розных тэхніках і матэрыялах. Аднак найбольш актыўна мастак працуе ва ўпадабанай ім тэхніцы размалёўкі па шоўку.
Дзіяна Рудокене, яго жонка, больш займаецца жывапісам. Круг тэм яе палотнаў незвычайна шырокі – прырода, свецкія гутаркі, партрэты людзей, што вакол яе... Дзіяна з дзіўнай глыбінёй пранікае ў вобраз нават праз дэталь, фрагмент, асколак нейкай падзеі або факта.
Мастакі актыўна ўдзельнічаюць у шматлікіх праектах у Літве і за мяжой.
Кантактны тэлефон: (+375-17) 293-29-80.
E-mail: pr@nlb.by