ГалоўнаяНавіныКніжныя выстаўкі
Выстаўка Томаса і Дзіяны Рудокасаў
Аб далучэнні Беларусі да інфармацыйнай сістэмы “Кампендыум”

Наркотыкі – сучасная глабальная пагроза

Наркотыкі – сучасная глабальная пагроза
Іншыя навіны

З 18 чэрвеня па 16 ліпеня ў зале дакументаў міжнародных арганізацый (пам. 207g) адкрыта выстаўка “Наркотыкі – сучасная глабальная пагроза”.


Выстаўка прысвечана Міжнароднаму дню барацьбы супраць злоўжывання наркатычных сродкаў і іх незаконнага абарачэння, які быў абвешчаны Генеральнай Асамблеяй ААН 7 снежня 1987 года (рэзалюцыя 42/112) і штогод адзначаецца 26 чэрвеня.

Гісторыя барацьбы супраць распаўсюджвання наркотыкаў або, па крайняй меры, спроб неяк кантраляваць іх абарачэнне налічвае ўжо больш за 100 гадоў. У лютым 1909 года Шанхайская опіумная камісія, у рабоце якой ўзялі ўдзел 13 краін, спрабавала знайсці шляхі абмежавання ўвозу наркотыкаў з азіяцкіх краін. Сёння, праз сто гадоў, наша грамадства па-ранейшаму далёкае ад рашэння праблемы. Яна стала толькі вастрэйшая. На месца опіуму для курэння прыйшлі “цяжкія” наркотыкі для ўнутрывеннага ўжывання, распаўсюджанасць наркаманіі расце, хвароба маладзее. Па даных ААН, на сённяшні дзень ва ўсім свеце прымаюць наркотыкі больш як 210 мільёнаў чалавек ва ўзросце ад 14 да 64 гадоў. З-за наркотыкаў штогод гіне каля 200 тысяч чалавек.

Наркагандаль, які калісьці ўспрымаўся як сацыяльная і крымінальная праблема, за апошнія гады ператварыўся ў сур’ёзную глабальную пагрозу, што стала адной з галоўных пагроз XXI стагоддзя. Згубная сіла наркотыкаў разбурае жыцці людзей, не лічачыся ні з дзяржаўнымі межамі, ні з узростам, ні з сацыяльным становішчам. У 1998 годзе, пад час сваёй спецыяльнай сесіі, прысвечанай сумеснай барацьбе супраць сусветнай праблемы наркотыкаў, Генеральная Асамблея прыняла Палітычную дэкларацыю па барацьбе супраць наркотыкаў, у якой у прыватнасці гаворыцца: “Наркотыкі з’яўляюцца сур’ёзнай небяспекай для здароўя і дабрабыту ўсяго чалавецтва, незалежнасці дзяржаў, дэмакратыі, структуры ўсіх грамадстваў, а таксама годнасці і надзей мільёнаў людзей і іх сем’яў. Яны наносяць шкоду сацыяльна-эканамічнай і палітычнай стабільнасці грамадства і яго ўстойліваму развіццю”.

Спажыванне наркотыкаў вядзе да страты заробку, рэзкага росту выдаткаў на ахову здароўя, распаду сем’яў і пагаршэння атмасферы там, дзе жывуць наркаманы. Унутрывеннае ўвядзенне наркотыкаў прыводзіць да хуткага распаўсюджвання ВІЧ/СНІДу і гепатыту. Існуе прамая сувязь паміж наркотыкамі і павышэннем узроўню злачыннасці і насілля. Наркакартэлі падрываюць работу ўрадавых органаў і карумпіруюць законны бізнес. Цана наркаманіі з пункту гледжання фінансавых і сацыяльных выдаткаў велізарны. Агромністыя сумы расходуюцца кожны год на ўмацаванне паліцыі, пагранічных сіл, судовых сістэм, а таксама на праграмы лячэння і рэабілітацыі наркаманаў.

Разумеючы ўсю вастрыню пагрозы, ААН сур’ёзна займаецца міжнародным кантролем над наркотыкамі. З гэтай мэтай створана Камісія па наркатычных сродках, якая служыць галоўным міжурадавым органам па выпрацоўцы палітыкі і каардынуючым органам па міжнародным кантролі над наркотыкамі. Маючы ў сваім складзе 53 дзяржавы-члены, у тым ліку і Беларусь, камісія аналізуе сітуацыю з наркаманіяй у сусветным маштабе і рыхтуе прапановы па ўзмацненні міжнароднага кантролю над наркотыкамі.

Распаўсюджванне наркаманіі ў Рэспубліцы Беларусь, як і ў іншых краінах, з’яўляецца глабальнай пагрозай здароўю насельніцтва, эканоміцы краіны, правапарадку і бяспецы дзяржавы. На сённяшні момант рэалізуюцца мерапрыемствы Дзяржаўнай праграмы комплексных мер процідзеяння наркаманіі, незаконнаму абарачэнню наркотыкаў і звязаным з імі правапарушэнням у Рэспубліцы Беларусь на 2009–2013 гады. Беларусь з’яўляецца краінай – удзельніцай Адзінай канвенцыі аб наркатычных сродках, Канвенцыі аб псіхатропных рэчывах, а таксама Канвенцыі ААН аб барацьбе супраць незаконнага абарачэння наркатычных сродкаў і псіхатропных рэчываў. З гэтымі дакументамі можна азнаёміцца на прадстаўленай выстаўцы.

Выстаўка складаецца з наступных раздзелаў:

  • наркотыкі і грамадства: гістарычны нарыс;
  • прававыя меры процідзеяння незаконнаму абарачэнню наркотыкаў і міжнародны кантроль над іх распаўсюджваннем;
  • папярэджанне і прафілактыка наркаманіі, лячэнне і рэабілітацыя нарказалежнасці;
  • барацьба супраць наркаўжывання і незаконнага абарачэння наркотыкаў у Рэспубліцы Беларусь.

У экспазіцыі прадстаўлена звыш 60 дакументаў на рускай, нямецкай, французскай і англійскай мовах. У асноўным гэта дакументы міжнародных арганізацый: кнігі, перыядычныя выданні, мімеаграфаваныя матэрыялы ААН (мастхед), брашуры.

Выстаўка адрасуецца сацыяльным і медыцынскім работнікам, супрацоўнікам праваахоўных органаў, выкладчыкам і студэнтам, педагогам і бацькам, а таксама ўсім, хто цікавіцца праблемамі наркаманіі.

Карысныя спасылкі

Дакументы

Навіны

25 Вер 2020

На гэтым тыдні споўнілася сто гадоў з дня заснавання дома-музея Адама Міцкевіча ў Навагрудку. Аб тым, чаму гэтая сядзіба можа прэтэндаваць на званне найстарэйшай культурнай установы ў Беларусі, і чым сёння жыве колішняя калыска класіка, распавядае “Культура”.

Навіны бібліятэк

Беларускія кнігі перададзены ў Эстонію

24 Вер 2020

У рамках дабрачыннай акцыі “Пра Беларусь – беларусам замежжа” пры дапамозе Пасольства Рэспублікі Беларусь у Рэспубліцы Эстонія нацыянальна-культурным аб’яднанням гэтай краіны перададзена ў дар больш за 150 асобнікаў беларускіх выданняў.

Навіны Нацыянальнай бібліятэкі Беларусі

Размова з адвакатам аб ільготах і дапамозе маладым і шматдзетным сем’ям

23 Вер 2020

20 верасня Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Маладыя і шматдзетныя сем’і: ільготы і дапамога”.

Навіны Нацыянальнай бібліятэкі Беларусі

24 верасня – 205 гадоў з дня нараджэння Габрыелі Пузыны, пісьменніцы, мемуарысткі, аўтара зборнікаў вершаў, апавяданняў, драм, камедый, успамінаў

24 Вер 2020

Постаць Альбіны Габрыелі Пузыны (1815–1869), адметная яркай творчай індывідуальнасцю, своеасаблівым мастацкім бачаннем свету, вылучаецца на фоне літаратурнага працэсу сярэдзіны XIX ст., робіць яго больш багатым, цікавым і разнастайным.

Па старонках беларускага календара

Новае краязнаўчае электроннае выданне бібліятэкі

22 Вер 2020

Выйшаў у свет чарговы кампакт-дыск з шэрагу электронных выданняў Нацыянальнай бібліятэкі Беларусі, якія знаёмяць з інфармацыйнай спадчынай розных мясцін Беларусі, іх гісторыяй і культурнымі здабыткамі.

Навіны Нацыянальнай бібліятэкі Беларусі

24 Вер 2020

У многіх аўтараў час ад часу запытваюцца пра тое, якім быў іх першы верш, як яны яго пісалі і чаму ўвогуле вырашылі напісаць. Можна лічыць, што момант, калі паэзія ўваходзіць у жыццё чалавека, становіцца вызначальным для далейшага шляху, у пэўным сэнсе прадказвае творчы лёс. Але, здаецца, далёка не для ўсіх момант напісання першага верша варта лічыць нечым значным.

Навіны бібліятэк

111