20 кастрычніка ў галерэі “Лабірынт” Нацыянальнай бібліятэкі Беларусі адбылося ўрачыстае закрыццё І Мінскага міжнароднага фестывалю лічбавага мастацтва “Terra Nova”.
Кампетэнтным журы былі падведзены вынікі і аб’яўлены пераможцы конкурсу, што праводзіўся сярод аўтараў, якія прадставілі свае работы для ўдзелу ў фестывалі. Узнагароджанне прайшло па наступных намінацыях: “Лічбавы жывапіс”, “Лічбавае фота”, “Кароткі метр”, “Відэакліп музычны”, “Камп’ютэрная графіка”, “Відэаарт”, “Рэкламны ролік” і “Анімацыя”.
Дыпломамі І ступені ўзнагароджаны:
- у намінацыі “Лічбавы жывапіс” – Л. Кулік (Расія),
- у намінацыі “Відэакліп музычны” – Г. Буто (Беларусь),
- у намінацыі “Лічбавае фота” – А. Савіч (Беларусь),
- у намінацыі “Камп’ютэрная графіка” – М. Касемаа (Эстонія),
- у намінацыі “Відэаарт” – А. Савіч (Беларусь),
- у намінацыі “Анімацыя” – М. Тумеля (Беларусь),
- у намінацыі “Рэкламны ролік” – Н. Зінкевіч (Беларусь).
Дыпломамі ІІ ступені ў намінацыі “Кароткі метр” узнагароджаны І. Сідорчык (Беларусь) і Ю. Чухно (Беларусь).
Цырымоніі закрыцця фестывалю папярэднічала правядзенне круглага стала, у рабоце якого прынялі ўдзел члены журы і аргкамітэта фестывалю: Ф. Ястраб, галоўны куратар фестывалю, загадчык аддзела галерэйна-выставачнай дзейнасці Нацыянальнай бібліятэкі Беларусі, старшыня ГА “Міжнародная гільдыя жывапісцаў”, І. Пятровіч, намеснік старшыні ГА “Фотамастацтва”, У. Максімкаў, прадзюсер, рэжысёр, куратар форуму “Кінаварка”, Ю. Тарэеў, мастак кнігі, выкладчык Беларускай дзяржаўнай акадэміі мастацтваў, А. Шчэпетаў, дызайнер, выкладчык Беларускай дзяржаўнай акадэміі мастацтваў, В. Вядрэнка, фотамастак, член экспертнай камісіі ГА “Фотамастацтва”, А. Ленкін, рэжысёр-аніматар, А. Кучмароў, дырэктар кампаніі “Доберманфильм”.
На мерапрыемстве прысутнічалі прадстаўнікі СМІ. Удзельнікі круглага стала абмеркавалі перспектывы развіцця лічбавага мастацтва, а таксама стратэгію развіцця фестывалю, які адбыўся.