З 20 кастрычніка па 9 лістапада ў зале беларускай літаратуры (пам. 205) праходзіць юбілейная выстаўка “Сугучнасць пачуцця і слова”, прысвечаная 70-годдзю беларускага літаратуразнаўца і паэта Мікалая Іванавіча Мішчанчука.
М.І. Мішчанчук – таленавіты вучоны, які паспяхова спалучае выкладчыцкую і даследчыцкую дзейнасць. Ён з’яўляецца аўтарам, складальнікам, рэдактарам, рэцэнзентам аўтарскіх і калектыўных прац, актыўна ўдзельнічае ў шматлікіх з’ездах, канферэнцыях, сімпозіумах і чытаннях.
На творчым рахунку Мікалая Іванавіча – паэтычныя зборнікі, кнігі, вучэбныя і метадычныя дапаможнікі для студэнтаў і выкладчыкаў, школьныя падручнікі, а таксама вялікая колькасць навуковых публікацый, крытычных артыкулаў, рэцэнзій, прадмоў, выступленняў, дакладаў.
Экспазіцыю складаюць зборнікі паэзіі “Вернасць” (1979), “Трывожуся за белы свет” (1984), “Струна надзеі” (2009), манаграфіі “Ёсць у паэта свой аблог цалінны” (1992), “Русская и белорусская литературы ХІХ–ХХ столетий: жанрово-стилевой аспект, вопросы взаимодействия” (2005), кнігі для настаўнікаў, студэнтаў-філолагаў, абітурыентаў “Беларуская літаратура на сучасным этапе” (1978, 2-е выд. 1983), “Літаратура, народжаная Кастрычнікам” (1983), “Беларуская савецкая паэзія 20-х гадоў” (1988), “Як жыць – дык жыць для Беларусі…” (1995), ”Літаратура беларускага замежжа” (1996), “Вывучэнне творчасці Кандрата Крапівы ў школе” (2008) і інш. На выстаўцы прадстаўлены публікацыі, змешчаныя ў шматлікіх зборніках і перыядычных выданнях, а таксама матэрыялы пра жыццё і творчасць літаратуразнаўца.
Кантактны тэлефон: 293-27-16.
 |
 |
 |
 |
 |
 |
