ГалоўнаяНавіныНавіны Нацыянальнай бібліятэкі Беларусі
Журы назвала пераможцаў прэміі “Дэбют”
Семінар да Дня праваслаўнай кнігі

Візіт у бібліятэкі Магілёўскай вобласці

Візіт у бібліятэкі Магілёўскай вобласці
Іншыя навіны

27 сакавіка ў рамках семінара “Бібліятэкі і кніжная культура Беларусі: з мінулага ў будучыню” дырэктар Нацыянальнай бібліятэкі Беларусі Раман Матульскі і загадчыца навукова-даследчага аддзела бібліятэказнаўства Марына Пшыбытка наведалі Вішоўскую і Княжыцкую сельскія бібліятэкі Магілёўскай вобласці.

Загадчыца бібліятэкі аграгарадка Вішоў Бялыніцкага раёна Наталля Пікас распавяла пра ролю бібліятэкі ў жыцці мясцовага насельніцтва. Установа культуры – сапраўдны інфармацыйны, адукацыйны і сацыякультурны цэнтр для дарослых і дзяцей.

Фонд бібліятэкі налічвае больш за 14 тыс. экзэмпляраў. Чытачоў заўсёды чакае выстаўка “смачных” кніг “Кошык бібліятэчных ласункаў”, для якой бібліятэкары падбіраюць самую цікавую літаратуру па той ці іншай тэме.

Каб кожнае наведванне бібліятэкі для мясцовых жыхароў стала святам, пры ёй дзейнічаюць два клубы і гурток па інтарэсах. Пяты год працуе сямейны клуб “Гармонія”, куды прыходзяць дарослыя і дзеці і за кубачкам кавы ці гарбаты дзеляцца рознымі гісторыямі з прачытаных кніг. Для развіцця творчасці дзяцей і падлеткаў, прывівання цікавасці да чытання арганізаваны клуб “Умейка” і гурток “Кнігаранё”.

Бібліятэкары разам з найбольш актыўнымі чытачамі наведваюць ветэранаў Вялікай Айчыннай вайны, сем'і загінулых воінаў, дастаўляюць ім літаратуру на дом, аказваюць неабходную дапамогу.

Работнікі бібліятэкі па крупінках шукаюць унікальныя гістарычныя матэрыялы пра ваеннае мінулае Вішова: біяграфіі ветэранаў і ўдзельнікаў вайны, запісваюць успаміны, знаходзяць дакументы аб помніках і абелісках Вішоўскага краю. Уся сабраная інфармацыя размешчана ў базе даных “Вайна. Перамога. Памяць”.

У цэнтры ўвагі працы бібліятэкі – аднаўленне народных свят, абрадаў, традыцый. Штогод бібліятэкары – у ліку галоўных арганізатараў выставак прадметаў народнай творчасці, свят “Дажынкі”, “Каляды”, “Масленіца”, “Купалле” і г.д.

Дзякуючы таму, што ў бібліятэцы працуюць па-сапраўднаму захопленыя сваёй справай людзі, яна заўсёды поўная наведвальнікаў.

Бібліятэкар Княжыцкай сельскай бібліятэкі Магілёўскага раёна Ларыса Маісеенка таксама распавяла пра сваю працу.

Установа культуры размешчана ў будынку сярэдняй школы, таму асноўныя чытачы тут дзеці і падлеткі. У той жа час у зону абслугоўвання бібліятэкі ўваходзяць 16 населеных пунктаў раёна, у якіх пражывае больш за 1 400 чалавек. Самая аддаленая вёска размешчана на адлегласці 11 км. Каб даставіць літаратуру ўсім чытачам, на дапамогу Ларысе Васільеўне прыходзіць аўтобус. Кнігі, газеты, часопісы... З вялікай радасцю сустракаюць сельскія жыхары любыя навінкі літаратуры, якіх, на жаль, не так шмат. Да прыкладу, у мінулым годзе фонды бібліятэкі папоўніліся толькі на 167 новых кніг.

Vishov_1.jpg

У рамках акцыі “Чытанне – прастора інфармацыі і ведаў” Раман Матульскі перадаў Вішоўскай і Княжыцкай сельскім бібліятэкам Магілёўскай вобласці камплекты літаратуры для папаўнення іх фондаў.

Матэрыял прадастаўлены навукова-даследчым аддзелам бібліятэказнаўства.

Навіны

#BelBookChallenge рэкамендуе: пераклады класікі

5 Сак 2021

BelBookChallenge выходзіць на фінішную прамую! Да канца чэленжда застаўся адзін дзень, таму самы час дачытваць недачытанае і пісаць на яго рэцэнзіі, каб усё-усё паспець. А для надання сіл і запалу ў вашым апошнім рыўку Нацыяналка склала для вас не проста падборку, а сапраўдную падвойную норму кніжных рэкамендацый! Сёння пад нашым прыцэлам адразу дзве тэмы: пераклады замежнай класікі і пераклады з рускай мовы – узбоўтаць, але не змешваць. Пра якія-небудзь з гэтых перакладзеных кніг вы напэўна ўжо чулі, а штосьці можа стаць для вас адкрытым сюрпрызам.

Блог прафесійнага чытача

Да 125-годдзя з дня нараджэння Кандрата Крапівы

5 Сак 2021

5 сакавіка спаўняецца 125 гадоў з дня нараджэння беларускага драматурга, празаіка, сатырыка, паэта, перакладчыка, акадэміка АН БССР, народнага пісьменніка Беларусі Кандрата Крапівы (1896–1991).

Па старонках беларускага календара

Віншуем Галіну Канстанцінаўну Кулагу, ветэрана Нацыянальнай бібліятэкі Беларусі, з 80-годдзем!

8 Сак 2021

Калектыў Нацыянальнай бібліятэкі Беларусі віншуе Галіну Канстанцінаўну з юбілейнай датай і ад усёй душы жадае моцнага здароўя на доўгія гады, бадзёрасці духу і невычэрпнага энтузіязму.

Партрэты: гісторыя бібліятэкі ў асобах

Унікальная выстаўка бальных убораў і аксесуараў адкрылася ў бібліятэцы

4 Сак 2021

4 сакавіка ў выставачным комплексе бібліятэкі (пам. 104) адбылося адкрыццё ўнікальнага праекта “Бляск убораў і таямніцы флірту”. Экспанаты прадстаўлены з прыватнай калекцыі Ігара Сурмачэўскага.

Выставачныя мультыпраекты

#BelBookChallenge прапануе: кнігі з дзяцінства ў перакладзе на беларускую мову

4 Сак 2021

BelBookChallenge не проста так прапануе вам наступную тэму – кнігі, што падабаліся ў дзяцінстве, у перакладзе на беларускую. Што за магчымасць, акрамя выкліку самому сабе, можа прымусіць нас вярнуцца да нечага ўжо прачытанага і асэнсаванага некалі?

Блог прафесійнага чытача

Бібліятэкарам
111