ГалоўнаяНавіныНавіны Нацыянальнай бібліятэкі Беларусі
Візіт у бібліятэкі Магілёўскай вобласці
Беларускія народныя песні ў апрацоўцы сучасных кампазітараў прагучалі ў бібліятэцы

Семінар да Дня праваслаўнай кнігі

Семінар да Дня праваслаўнай кнігі
Іншыя навіны

21 сакавіка ў Лідскай раённай бібліятэцы імя Янкі Купалы адбыўся семінар “Вечнай сустрэчы нязгаснае святло: гэта кніга!”. Мерапрыемства прайшло ў рамках святкавання Дня праваслаўнай кнігі.

Арганізатарамі выступілі Лідская раённая бібліятэка імя Янкі Купалы і Лідская епархія Беларускага экзархата.

З 15 па 21 сакавіка на базе Лідскай раённай бібліятэкі працаваў выставачны праект “Вечных ісцін нязгаснае святло: гэта кніга!”. За гэты час выстаўку наведала больш за 200 чалавек.

У пачатку работы семінара прайшло ўрачыстае завяршэнне праекта. Іерэй Арцемій Папко і загадчыца філіяла “Лідская гарадская бібліятэка № 4” Валянціна Гольмант пазнаёмілі ўдзельнікаў семінара з рукапіснымі і старадрукаванымі кнігамі і факсімільнымі выданнямі, прадстаўленымі на выстаўцы.

Семінар працягнулі выступленні галоўнага бібліятэкара навукова-даследчага аддзела бібліятэказнаўства Нацыянальнай бібліятэкі Беларусі Вольгі Рынкевіч, выкладчыка Мінскай духоўнай семінарыі, кандыдата багаслоўя пратадыякана Генадзя Малеева і загадчыка аддзела бібліятэказнаўства Гродзенскай абласной навуковай бібліятэкі імя Я.Ф. Карскага Галіны Сцяпанавай.

Напрыканцы мерапрыемства перад удзельнікамі семінара з музычнымі нумарамі выступілі навучэнцы Лідскага каледжа.

Матэрыял прадастаўлены навукова-даследчым аддзелам бібліятэказнаўства.

Навіны

Беларускі бэстселер 1920-х: аповесць Міхася Зарэцкага “Голы звер”

28 Май 2020

Міхась Зарэцкі, паводле ягоных уласных успамінаў,распачаў свае літаратурныя спробы пасля яркага ўражання ад незвычайнага сну. Надалей, атрымліваючы ўсё болей і болей жыццёвага ды пісьменніцкага досведу, ён адтачыў сваё майстэрства на кароткай прозе. І аповесць “Голы звер” (1926) стала як бы лагічным працягам творчага і асобаснага сталення пісьменніка.

Блог прафесійнага чытача

111