Новы год – асаблівая пара! Гэта царства фантазіі і весялосці, чароўная атмасфера свята, сапраўдная казка... Напярэдадні свята вы зможаце акунуцца ў яе ў галоўнай бібліятэцы краіны.
Для гэтага трэба толькі запісацца на экскурсію. Кожную экскурсійную групу, якая прыйдзе да нас з 22 снежня 2020 года, чакае сюрпрыз – сустрэча з Дзедам Марозам і Снягуркай. Яны павіншуюць дзяцей і дарослых з надыходзячым Новым годам і пацешаць вясёлым інтэрактывам.
На шкляной падлозе другога паверха вас будзе чакаць святочная ялінка і навагодняя фотазона.
Таксама дзейнічаюць навагоднія зніжкі на наведванне агляднай пляцоўкі.
Атрымаць дадатковую інфармацыю і запісацца на экскурсію можна з 10.00 да 18.00 з аўторка па нядзелю па тэлефонах: (8 017) 293 29 66, 293 28 53.
Матэрыял пададзены адзелам экскурсійна-метадычнай работы.