6 студзеня ў дзіцячым пакоі прайшлі творчыя заняткі “Гномік і ялінка” ў тэхніцы “трэш-арт”, на якім дзеці зрабілі цікавы выраб у тэхніцы “трэш-арт”.
З дапамогай папяровак, ваты, драўляных палачак ад марожанага і паперы для скрапбукінгу хлопчыкі і дзяўчаткі зрабілі пацешнага гноміка. У выніку стараннай працы атрымаўся аб’ёмны навагодні гномік, побач з якім размясцілі ялінку з хваёвай шышкі.
Юныя ўдзельнікі праявілі кемлівасць у адгадванні загадак пра зіму і паўдзельнічалі ў рухавай гульні “Замарозка”.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.