20 сакавіка 2008 года а 16-ай гадзіне ў зале нотных і аўдыёдакументаў Нацыянальнай бібліятэкі Беларусі (пам. 305е) адбылася творчая майстэрня «Калыханка, або Люлечкі», арганізаваная ў рамках праекта «Кропка адліку».
Праводзілі майстэрню Галіна Парфёнава (г.Санкт -Пецярбург) - выканаўца вакальных абертнонных імправізацый, вядучая аўтарскага трэнінгу «Я всё-таки буду петь», арганізатар праграмы «Мастер обертона»; Ірына Мазюк (г. Мінск) – навуковы супрацоўнік у галіне культуры, фалькларыст; Ірына Сцігайло (г. Мінск) - арганізатар музычнай адукацыйнай праграмы «Голос».
У праграме быў прадэманстраваны дакументальны фільм (тэлевізійны канал «Лад») аб гаючым рэсурсе голасу, прагучалі калыханкі беларускага Палесся (сабраныя і запісаныя Ірынай Мазюк), Галіна Парфёнава прадэманстравала абертонныя песні.
У майстэрні быў разгледжаны гістарычны ракурс калыханак, сумесна з гасцямі праводзіліся практыкаванні па гучанні голасу, адбыўся дыялог з гасцямі па актуальных для іх пытаннях. Пры абмеркаванні шукалі кампраміс паміж традыцыйным гучаннем, зместам калыханак і сучаснасцю, якая ўносіць свае карэктывы для выканання і напаўнення песень. Галоўным было вызначанае -унутраная напоўненасць і гармонія выканаўца калыханак, што натуральнай чынам перадаецца дзіцяці.
Да гэтага мерапрыемства прымеркавана кніжная выстаўка калыханак з фонду Нацыянальнай бібліятэкі: кнігі, ноты, запісы калыханак (пласцінкі, СD і DVD).