10 кастрычніка ў дзіцячым пакоі прайшлі творчыя заняткі “Сюрпрыз для мамы”, прымеркаваныя да Дня маці.
На мерапрыемстве, якое прайшло ў вясёлай і займальнай атмасферы, дзеці з цяплом і любоўю падрыхтавалі для мам мноства падарункаў.
Атрымаўшы каляровае сэрцайка з пытаннем, кожны ўдзельнік конкурсу “Здзіві сваю маму” змог цікава расказаць пра яе. У вясёлай пантаміме “Свойскія гадаванцы” дзеці праявілі знаходлівасць і кемлівасць, малюючы любімых жывёл.
Арыгінальным сюрпрызам стаў кубак, зроблены хлопчыкамі і дзяўчынкамі ў сумесным творчым працэсе. Гэты кубак перадае часцінку дабрыні і любові дзіцячых сэрцаў.
Стварэнню святочнай і душэўнай атмасферы спрыялі добрая музыка і ўсмешкі, зрабіўшы гэта мерапрыемства прыемным і незабыўным.
Чытайце таксама пра іншыя мерапрыемствы, якія праходзяць у дзіцячым пакоі бібліятэкі.
