ГалоўнаяНавіныНавіны бібліятэк
Бульба ў мундзірах і без
Сюрпрыз для мамы

Па-беларуску выходзіць “Стамбул” Архана Памука

Па-беларуску выходзіць “Стамбул” Архана Памука
Іншыя навіны

Гэта кніга нобелеўскага лаўрэата, аднаго з самых чытаных аўтараў ХХІ стагоддзя.

“Упэўнены, менавіта гэтай кнігай мы закладзём добры падмурак для таго, каб перакладаць на беларускую мову творы сучасных топавых аўтараў. Аўтараў-мільённікаў – па накладах іх кніг. А таксама здолеем прывезці ў Беларусь гэтых пісьменнікаў”, – кажа ініцыятар выдання Сяргей Макарэвіч.

Агульны наклад кніг Памука ў свеце складае каля 15 мільёнаў асобнікаў. Яго творы чытаюць на 60 мовах. Зараз да іх ліку дадасца і беларуская. Каб рэалізаваць такі праект, на сайце ulej.by запусцілі краўдфандынгавую кампанію – падпіску на выданне. 

“Стамбул. Горад і ўспаміны” выйшаў упершыню ў 2003 годзе. А ў 2006-м Памук атрымаў Нобелеўскую прэмію як аўтар, “які ў пошуках меланхалічнай душы роднага горада выявіў новыя сімвалы для сутыкнення і перапляцення культур”.

“Гэтая кніга – мастацкая біяграфія Стамбула. Не гайд і не гісторыя горада: не разлічвайце прачытаць пра ўсе шматлікія цэрквы і мячэці, палацы і вілы, музеі і галерэі… Памук вядзе чытача за руку па сваіх любімых вулках, напоўненых гукамі і пахамі Стамбула, не бачных турыстам, схавананых ад мімалётных разявак”, – тлумачыць Макарэвіч.

Памук напісаў кнігу, калі быў на мяжы дэпрэсіі: ён разводзіўся, пры смерці быў яго бацька, было шмат іншых праблем. “Я падумаў, што правалюся ў дэпрэсію, калі здамся. Але кожны дзень я прачынаўся, прымаў халодны душ, сядаў, успамінаў і пісаў”, – прызнаўся пісьменнік пасля.

Па-беларуску кніга з’явіцца ў студзені 2019 года ў выдавецтве “Янушкевіч”.

“Стамбул” пераклала на беларускую Таццяна Урублеўская-Токер, рэдактар – Сяргей Шупа. Гэта будзе трэцяя кніга ў серыі Noblesse oblige (творы нобелеўскіх лаўрэатаў па-беларуску). Раней пабачылі свет “Голад” Кнута Гамсуна і “Каханне падчас халеры” Габрыеля Гарсіі Маркеса.

“Мы працягнем выдаваць сучасных замежных аўтараў. У пачатку наступнага года выйдзе раман Казуа Ішыгура “Не пакідай мяне”. Праз скандал, які скалануў Шведскую акадэмію, акурат Ішыгура можа застацца апошнім лаўрэатам Нобелеўскай прэміі па літаратуры. Сёлета прэмія не прысуджаецца, а што з ёй будзе налета – не ясна”.

Архан Памук (нарадзіўся ў 1952 годзе) – турэцкі пісьменнік, нобелеўскі лаўрэат 2006 года. Аўтар такіх бестселераў, як “Музей цноты”, “Мае дзіўныя думкі”, “Чорная кніга”, “Снег”.

Крыніца: Новы час


Каментарыі карыстальнікаў:

Каментаванне даступна толькі зарэгістраваным карыстальнікам

Навіны

50 гадоў Першамайскаму раёну!

26 Чэр 2019

Пастановай Прэзідыума Вярхоўнага Савета Беларускай ССР ад 25 чэрвеня 1969 года і рашэннем № 141 Мінскага гарадскога савета дэпутатаў ад 10 ліпеня 1969 года “Аб межах адміністрацыйна-тэрытарыяльных раёнаў горада Мінска” быў арганізаваны Першамайскі раён г.Мінска.

Навіны Нацыянальнай бібліятэкі Беларусі

Прароцтвы Вераніцына

26 Чэр 2019

Паэма “Тарас на Парнасе” ўнікальная тым, што не толькі ў гісторыі беларускай літаратуры ХІХ ст. паказала селяніна-беларуса цалкам станоўчым героем, але яшчэ і таму, што зрабіла больш важнае, асабліва для нашага таталітарнага мінулага стагоддзя, адкрыццё.

Навіны бібліятэк

Напярэдадні 50-годдзя Першамайскага раёна ўзнагароды за прафесіяналізм уручылі супрацоўнікам бібліятэкі

25 Чэр 2019

24 чэрвеня прайшло ўрачыстае ўзнагароджанне супрацоўнікаў прадпрыемстваў і арганізацый Першамайскага раёна г. Мінска.

Навіны Нацыянальнай бібліятэкі Беларусі

Пяць вершаў Адаму Міцкевічу

25 Чэр 2019

У Баранавічах у выдавецтве Алены Хахол выйшла з друку невялікая, але сімпатычная і арыгінальная кніжачка “Адам Міцкевіч”. Яна складаецца з пяці вершаў, прысвечаных Адаму Міцкевічу – класіку польскай і беларускай літаратуры. Аўтар вершаў – сябра Саюза беларускіх пісьменнікаў і настаўніца Таццяна Яцук, якая жыве ў Баранавічах.

Навіны бібліятэк

Адкрыты бясплатны доступ да рэсурсу Cochrane Library

24 Чэр 2019

Віртуальная чытальная зала Нацыянальнай бібліятэкі паведамляе, што на тэрыторыі Беларусі на працягу 2019 года для ўсіх арганізацый адкрыты бясплатны доступ да электроннага інфармацыйнага рэсурсу Cochrane Library.

Навіны Нацыянальнай бібліятэкі Беларусі

Выйшла кніга, прысвечаная II Еўрапейскім гульням

23 Чэр 2019

Выдавецтва “Беларуская Энцыклапедыя імя Петруся Броўкі” падрыхтавала і выпусціла ў свет кнігу на беларускай і англійскай мовах “Спорт вышэйшых дасягненняў. ІІ Еўрапейскія гульні – свята міру, спорту, дружбы народаў Еўропы” ў серыі “Беларусь спартыўная”. Кніга атрымалася не проста цікавая, а ў многіх адносінах пазнавальная, з адмысловым высокамастацкім афармленнем.

Навіны бібліятэк

111