12 чэрвеня дзіцячы пакой Нацыянальнай бібліятэкі Беларусі запрашае ўсіх дзяцей, хто жадае, на забаўляльнае мерапрыемства “Свята дзяцінства”.
Маленькім удзельнікам будзе дадзена магчымасць паспаборнічаць у інтэлектуальных віктарынах і займальных конкурсах. Чарадзейная гульня-казка “Рэпка” прынясе дзеткам мноства прыемных эмоцый і дазволіць пераўвасобіцца ў любімых персанажаў. Свае мастацкія здольнасці юныя наведвальнікі прадэманструюць у конкурсе “Вясёлы чалавечак”. А выявіць кемлівасць, спрыт і знаходлівасць хлопчыкі і дзяўчынкі змогуць у розных рухавых гульнях і эстафетах. Скончыцца свята ўручэннем прызоў і салютам з мыльных бурбалак.
Запрашаюцца дзеці 5–9 гадоў.
Час правядзення: 12.00–13.30.
Кантактны тэлефон: 293-25-34.