14 чэрвеня а 16-й гадзіне ў галерэі “Лабірынт” адбудзецца прэзентацыя кнігі Алеся Карлюкевіча “І марам волю дам: літаратурная карта Пухавіччыны”.
Арганізатары мерапрыемства – выдавецтва “Беларуская Энцыклапедыя імя П. Броўкі”, Нацыянальная бібліятэка Беларусі. Выданне ўяўляе сабой літаратурна-краязнаўчае даследаванне, якое падрабязна знаёміць з гісторыяй аднаго з рэгіёнаў Міншчыны – Пухавіцкага раёна.
На старонках кнігі чытача чакае сустрэча з беларускімі паэтамі, празаікамі, драматургамі, сярод якіх А. Ельскі, М. Чарот, Я. Колас, А. Вольны, П. Глебка, М. Паслядовіч, П. Рунец, А. Бачыла, Г. Кляўко, Т. Бондар, Р. Папараць і інш. Многія нарадзіліся на Пухавіччыне, некаторыя былі частымі гасцямі, пісалі свае творы на беразе Свіслачы, у маляўнічых лясных вёсках Беразянка, Глушка, Падбярэжжа... Сярод пісьменнікаў, якія палюбілі Пухавіччыну, – Якуб Колас, Янка Маўр, Георгій Папоў і інш.
Кантактныя тэлефоны: 284-14-48, 293-27-67.