21 сакавіка студэнты з Кітая і В`етнама, якія навучаюцца ў магістратуры факультэта журналістыкі БДУ, пазнаёміліся з жыццём вядомых беларусаў падчас вандроўкі па бібліятэцы.
Для іх была праведзена экскурсія, прысвечаная жыццю і выдавецкай дзейнасці Францыска Скарыны. Яны выбралі такую экскурсію невыпадкова: знаёмства з жыццём беларускага першадрукара прадугледжана праграмай навучання ва ўніверсітэце.
З вялікай цікавасцю студэнты прачыталі ўрывак з Бібліі Францыска Скарыны на кітайскай і в`етнамскай мовах, а у музеі кнігі яны ўбачылі арыгіналы выданняў беларускага першадрукара. Акрамя таго, з дапамогай інтэрактыўнай панэлі экскурсанты пазнаёміліся з жыццёвым шляхам Францыска Скарыны, яго кнігавыдавецкай дзейнасцю. У канцы экскурсіі госці змаглі падняцца на аглядную пляцоўку і палюбавацца відамі сталіцы з вышыні птушынага палёту.
Запрашаем і вас на экскурсіі “Славутыя імёны Бацькаўшчыны” па творчасці Францыска Скарыны, Янкі Купалы, Якуба Коласа, Максіма Багдановіча, Кандрата Крапівы, Міхася Зарэцкага, Уладзіміра Караткевіча, Янкі Маўра.
Матэрыял прадастаўлены аддзелам экскурсійна-метадычнай работы.
