29 мая ў бібліятэцы адбылося адкрыццё чэмпіянату Рэспублікі Беларусь па шахматах (вышэйшая ліга).
Арганізатары – Беларуская федэрацыя шахмат і Нацыянальная бібліятэка Беларусі.
У мерапрыемстве ўзялі ўдзел начальнік упраўлення спорту Міністэрства спорту і турызму Рэспублікі Беларусь Эдуард Бабкін, старшыня Беларускай федэрацыі шахмат (БФШ), віцэ-прэзідэнт Міжнароднай федэрацыі шахмат (ФІДЭ) Анастасія Сарокіна, заслужаны трэнер Рэспублікі Беларусь, 11-разовы чэмпіён краіны, міжнародны гросмайстар Вячаслаў Дыдышка, першы намеснік дырэктара Нацыянальнай бібліятэкі Беларусі Алена Далгаполава, спартсмены, журналісты, грамадскасць.
Падчас адкрыцця жараб’ёўку па традыцыі правялі галоўныя суддзі чэмпіянату Наталля Папова і Вячаслаў Эльберг.
Пасля афіцыйнага адкрыцця ўсе прысутныя маглі праверыць свае веды па тэматыцы спаборніцтваў на інтэлектуальнай віктарыне. Самыя эрудзіраваныя ўдзельнікі атрымалі заслужаныя прызы.
Дзякуючы цудоўнаму выступленню таленавітай піяністкі Віялеты Іскандаран вечар прайшоў у цёплай і нязмушанай атмасферы.
Чэмпіянат будзе доўжыцца 10 дзён. Фінал запланаваны на 7 чэрвеня.
Тэлефон для даведак: (8 017) 293 28 81.
E-mail: pr@nlb.by
Матэрыял прадастаўлены аддзелам сувязей з грамадскасцю.
