ГалоўнаяНавіныНавіны Нацыянальнай бібліятэкі Беларусі
У Турцыі прэзентавана беларускае выданне, прысвечанае міжнароднай мытнай службе
Віктар Марціновіч: Адзіная ісціна – тая, якую ты знойдзеш сам

Семінар у Лідзе, прысвечаны бібліятэкам рэгіёнаў у Год малой радзімы

Семінар у Лідзе, прысвечаны бібліятэкам рэгіёнаў у Год малой радзімы
Іншыя навіны

16 кастрычніка ў Лідскай гарадской бібліятэцы-філіяле № 4 ДУК “Лідская раённая бібліятэка імя Янкі Купалы” адбыўся семінар “Бібліятэкі рэгіёнаў у Год малой радзімы: дзейнасць па духоўна-маральным і патрыятычным выхаванні дзяцей і моладзі”.

Мерапрыемства прайшло ў рамках IV Лідскіх епархіяльных Калядных адукацыйных чытанняў.

Арганізатарамі семінара выступілі Лідская епархія Беларускай праваслаўнай царквы і Лідская раённая бібліятэка імя Янкі Купалы.

Удзел у рабоце семінара прымалі кіраўнікі і спецыялісты публічных бібліятэк Лідскай раённай бібліятэкі імя Янкі Купалы, Іўеўскай раённай бібліятэкі, Барысаўскай раённай бібліятэкі імя І.Х. Каладзеева, прыходскіх бібліятэк Лідскай епархіі, выкладчыкі Мінскай духоўнай семінарыі, святары Беларускай праваслаўнай царквы. Ад Нацыянальнай бібліятэкі Беларусі ў семінары прыняла ўдзел Вольга Аляксандраўна Рынкевіч, галоўны бібліятэкар навукова-даследчага аддзела бібліятэказнаўства.

Падчас работы семінара ўдзельнікі абмяркоўвалі пытанні духоўнай асветы і патрыятычнага выхавання дзяцей і моладзі сродкамі праваслаўнага краязнаўства, якое фарміруе ў падрастаючага пакалення цікавасць да духоўнай культуры свайго народа, павагу да яго гістарычнага мінулага, а таксама адказнасць за лёс сваёй Айчыны і імкненне прыносіць карысць роднаму краю.

Адкрыў мерапрыемства сакратар Лідскай епархіі протаіерэй Максім Цыгель. З прывітальным словам да ўдзельнікаў семінара выступілі галоўны спецыяліст аддзела культуры Лідскага райвыканкама Марыя Чаславаўна Дукі і дырэктар Лідскай раённай бібліятэкі імя Янкі Купалы Арцём Мікалаевіч Мартынаў.

Вопыт работы цэнтральнай бібліятэкі Лідскай епархіі пры публічнай гарадской бібліятэцы-філіяле № 4 з’яўляецца ў сваім родзе адзіным у рэспубліцы.

Асноўная мэта стварэння епархіяльнай бібліятэкі на базе публічнай – садзейнічанне адраджэнню духоўнай асветы і фарміраванню сістэмы духоўна-маральнага выхавання ў традыцыях праваслаўнай культуры.

Такое супрацоўніцтва значна пашырыла магчымасці бібліятэкі-філіяла № 4 у фарміраванні інфармацыйных рэсурсаў духоўна-маральнай накіраванасці, а самае галоўнае – у стварэнні сістэмы доступу да іх розных слаёў гарадскога насельніцтва і актывізацыі асветніцкай дзейнасці.

Дзякуючы актыўнай рабоце супрацоўнікаў Лідскай гарадской бібліятэкі-філіяла № 4 па духоўнай асвеце на праваслаўных традыцыях, пры ўсебаковай падтрымцы гэтай дзейнасці сакратара Лідскай епархіі протаіерэя Максіма Цыгеля, па выніках III Рэспубліканскага конкурсу “Бібліятэка – цэнтр духоўнай асветы і выхавання” бібліятэцы было прысуджана першае месца ў намінацыі “Духоўна-маральная асвета дзяцей і моладзі” сярод гарадскіх і раённых бібліятэк.

Акрамя таго, у бібліятэцы вядзецца маніторынг і ўлік звестак па рабоце з праваслаўнай літаратурай публічных бібліятэк ДУК “Лідская раённая бібліятэка імя Янкі Купалы” і прыходскіх бібліятэк Лідскай епархіі, аказваецца ім метадычная дапамога. Такім чынам, Лідская гарадская бібліятэка-філіял № 4 выконвае вельмі важную функцыю метадычнага цэнтра для бібліятэк горада Ліда і Лідскага раёна, якія працуюць з праваслаўнай літаратурай і адкрываюць сваім чытачам праз кнігу і разнастайныя формы сацыякультурнай дзейнасці свет Праваслаўя.

Каментарыі карыстальнікаў:

Каментаванне даступна толькі зарэгістраваным карыстальнікам

Навіны

“Новая” Эліза Ажэшка ў цыкле лекцый Святланы Воцінавай

15 Ліп 2019

Журналістка, галоўны рэдактар часопіса “Маладосць” Святлана Воцінава праводзіць цыкл лекцый, прысвечаны польскамоўнай прадстаўніцы беларускай літаратуры Элізе Ажэшка. У інтэрв'ю для Нацыянальнай бібліятэкі яна распавяла, чаму толькі зараз мы адкрываем для сябе “сапраўдны” вобраз пісьменніцы.

Аўтарскі погляд

Купалаў фэст аб’яднаў літаратурныя і касцёльныя традыцыі

16 Ліп 2019

14 ліпеня ў Радашковічах урачыста адбыўся Купалаў фэст – 2019. Ён праходзіў пад дэвізам “Беларусь – маё сэрца, залатая краіна” .  Арганізатарамі выступілі мінскі Дзяржаўны літаратурны музей Я. Купалы, які прадстаўляла спадарыня Марыя Барткова, і мясцовая каталіцкая парафія.

Навіны бібліятэк

Дата Дубоўкі

16 Ліп 2019

Часам, калі гаворка заходзіла пра дату і месца нараджэння слыннага беларускага паэта Уладзіміра Дубоўкі, адчуваўся пэўны сумніў адносна іх дакладнасці. Ці то дата не зусім тая, ці то месца нараджэння. У разнастайных біяграфічных даведніках пазначана наступнае: Уладзімір Дубоўка нарадзіўся 15 ліпеня 1900 года ў вёсцы Агароднікі. Каб развеяць сумненні і высветліць праўду, вырашылі праверыць гэтыя звесткі ў Нацыянальным гістарычным архіве, дзе, на шчасце, захаваліся метрычныя кнігі па Манькавіцкай царкве, да якой адносіліся памянёныя Агароднікі. Сумненні, як аказалася, былі недарэмныя.

Навіны бібліятэк

Атэстат Максіма Багдановіча

11 Ліп 2019

Зусім нядаўна супрацоўнікі Літаратурнага музея Максіма Багдановіча атрымалі электронныя копіі дакументаў з Цэнтральнага дзяржаўнага архіва горада Масквы. Вельмі цікавай падалася справа «Отчеты, копии протоколов испытательных комиссий, списки учеников, допущенных к испытанию зрелости Шуйской и Ярославской мужских гимназий в 1911 году» (ЦДАМ, фонд 459, вопіс 3, адзінка захавання 6223). Дакументы справы падрабязна асвятляюць апошнія дні вучобы ў Яраслаўскай мужчынскай гімназіі.

Навіны бібліятэк

Манюшка, Монюшко, Moniuszko… цяпер на трох мовах!

11 Ліп 2019

Віртуальны праект “Станіслаў Манюшка. Музычны рамантык з Міншчыны”, прысвечаны 200-годдзю з дня нараджэння нашага славутага земляка, стаў даступны на трох мовах: беларускай, рускай і англійскай.

Навіны Нацыянальнай бібліятэкі Беларусі

Раман Матульскі: “Літаратура заўсёды розная. Тут галоўны суддзя, фільтр і крытэрый – гэта час”

12 Ліп 2019

Як бібліятэкі выбіраюць свой шлях развіцця і чаму літаратуры павінна быць многа, чытайце ў працягу гутаркі з дырэктарам Нацыянальнай бібліятэкі Беларусі Раманам Сцяпанавічам Матульскім.

Навіны Нацыянальнай бібліятэкі Беларусі

111