18 сакавіка адбыўся семінар-трэнінг “Рэсурсы віртуальнай чытальнай залы Нацыянальнай бібліятэкі Беларусі ў інфармацыйным забеспячэнні навуковай і вучэбнай дзейнасці”.
Мерапрыемства прайшло ва Універсітэце грамадзянскай абароны Міністэрства па надзвычайных сітуацыях Рэспублікі Беларусь, дзе спецыялісты аддзела карпаратыўнага ўзаемадзеяння Руслан Доўгі і Дар’я Столяр пазнаёмілі ўдзельнікаў з рэпертуарам электронных рэсурсаў віртуальнай чытальнай залы, а таксама з іх функцыянальнымі магчымасцямі і алгарытмамі работы з імі.
Прафесарска-выкладчыцкаму складу, магістрантам і работнікам інфармацыйна-бібліятэчнага цэнтра ВНУ быў прадстаўлены новы рэсурс Нацыянальнай бібліятэкі Беларусі – “Беларусь у інфармацыйнай прасторы”, дзе сабраны спасылкі на найбольш аўтарытэтныя беларусазнаўчыя базы даных і электронныя калекцыі актуальнай і грамадска значнай інфармацыі пра Беларусь.
Матэрыял прадастаўлены аддзелам карпаратыўнага ўзаемадзеяння.
