24 сакавіка ў рамках святкавання Дня праваслаўнай кнігі адбудзецца семінар “Гісторыя Праваслаўя роднага краю: вопыт і методыка вывучэння”.
Мерапрыемства пройдзе па блаславенні Мітрапаліта Мінскага і Заслаўскага Паўла, Патрыяршага Экзарха ўсяе Беларусі.
Арганізатарам семінара выступіў Сінадальны аддзел рэлігійнай адукацыі і катэхізацыі Беларускай праваслаўнай царквы, суарганізатарам – Нацыянальная бібліятэка Беларусі.
Для ўдзелу ў семінары запрашаюцца кіраўнікі і спецыялісты публічных бібліятэк Міністэрства культуры, бібліятэк і структур Беларускай праваслаўнай царквы, бібліятэк устаноў адукацыі Міністэрства адукацыі, бібліятэк іншых міністэрстваў і ведамстваў, вучоныя, выкладчыкі ўстаноў сярэдняй агульнай, спецыяльнай і вышэйшай адукацыі Міністэрства адукацыі, гісторыкі, архівісты.