7 ліпеня ў бібліятэцы прайшло мерапрыемства, прысвечанае працы над праектам “Беларуская бібліяграфія ў асобах”.
У семінары прынялі ўдзел супрацоўнікі Нацыянальнай бібліятэкі Беларусі, таксама аддалена было падключана 12 вядучых бібліятэк краіны.
У рамках мерапрыемства абмяркоўваліся асноўныя задачы праекта, праблемы, якія ўзнікаюць падчас даследавання і стварэння фактаграфічных матэрыялаў. Абагульнены вынікі дзейнасці і намечаны перспектывы далейшага супрацоўніцтва ў рамках працы над выданнем пра бібліёграфаў.
Прагучалі выступленні намесніка генеральнага дырэктара – дырэктара па інфармацыйных рэсурсах Т.В. Кузьмініч, загадчыцы аддзела індэксавання дакументаў і аўтарытэтнага кантролю Н.В. Лобач (аб сучаснай частцы), загадчыцы навукова-даследчага аддзела бібліяграфіі І.У. Градоўкінай (аб рэтраспектыўнай частцы), галоўнага бібліёграфа навукова-даследчага аддзела бібліяграфіі А.Л. Бараноўскага.
Дзякуем усім удзельнікам!
Матэрыял пададзены навукова-даследчым аддзелам бібліяграфіі.
