З 15 студзеня па 19 лютага 2009 года ў Нацыянальнай бібліятэцы Беларусі (2 паверх, кальцавы калідор) праходзіць кніжная выстаўка «Рэлігіі свету».
Выстаўка прысвечана рэлігіям – як сусветным, так і нацыянальным вераванням розных народаў і краін, кантынентаў і эпох.
З даўніх часоў чалавек імкнуўся спасцігнуць сэнс жыцця. З гэтага імкнення выраслі рэлігійныя вераванні, заснаваныя на абагаўленні жывёл і сіл прыроды. У некаторых рэлігіях прысутнічае мнагабожжа, паслядоўнікі іншых веравызнанняў шануюць адзінага Бога. Рэлігія нябачнымі ніцямі звязана са многімі бакамі жыцця чалавечага грамадства. Да прыхільнікаў рэлігіі прынята адносіць суполкі людзей, якія прытрымліваюцца адных і тых жа вераванняў і жывуць па асаблівых законах.
Мэта выстаўкі – даць агульны агляд асноўных рэлігійных вучэнняў розных краін і народаў ад зараджэння прымітыўных першапачатковых вераванняў да фарміравання сусветных рэлігій: язычніцтва, хрысціянства, іудаізму, індуізму, будызму, ісламу. У экспазіцыі прадстаўлена больш за 150 кніг: даведачныя выданні, якія ўключаюць энцыклапедычныя звесткі пра настаўнікаў веры і падзвіжнікаў, прарокаў і святых, духоўных настаўнікаў і прапаведнікаў; слоўнікі, ілюстраваныя энцыклапедыі; працы вучоных-рэлігіязнаўцаў; кнігі пра самыя выдатныя культавыя помнікі, што ўвайшлі ў скарбніцу сусветнага мастацтва. Адлюстравана таксама канфесійная палітыка ў сучаснай Беларусі.
Выстаўка прызначаецца для шырокага кола наведвальнікаў, для ўсіх, хто цікавіцца рэлігіяй і яе роляй у гісторыі народаў свету, для тых, хто веруе, і людзей, пакуль яшчэ далёкіх ад рэлігіі.
Кантактны тэлефон: 293-28-86.
 |
 |
 |
 |
 |
 |
 |
 |
 |
 |
 |
 |
