14 студзеня для супрацоўнікаў Нацыянальнай бібліятэкі з каляднай праграмай выступіў заслужаны калектыў Рэспублікі Беларусь – дзяржаўны ансамбль народнай музыкі “Свята”.
Традыцыя калядак налічвае больш за тысячу гадоў. Спрадвеку нашы продкі спявалі, каб праславіць Каляду – стараславянскага бога Сонца. Цяпер калядкі спяваюць у гонар нараджэння Ісуса Хрыста або на стары Новы год.
Атмасферныя святочныя нумары таленавітых артыстаў прафесійнага фальклорнага ансамбля прымусілі ўсміхнуцца кожнага. Радасныя віншавальныя песні, энергічныя танцы падарылі добры настрой і нагадалі пра старадаўнія народныя традыцыі.
“Жадаем у Год быка і каровы, каб усе былі шчаслівы і здаровы!” – весела пажадаў напрыканцы канцэрта мастацкі кіраўнік калектыву і ўладальнік медаля Францыска Скарыны Вячаслаў Статкевіч.
Матэрыял пададзены аддзелам сувязей з грамадскасцю.
