ГалоўнаяНавіныНавіны Нацыянальнай бібліятэкі Беларусі
Гісторыя супервокладкі: ад скрынкі да рэкламы мыла і далей
Памяці песняра Беларусі

Музей кнігі, дзіцячы пакой і не толькі: незвычайныя паслугі Нацыянальнай бібліятэкі

Музей кнігі, дзіцячы пакой і не толькі: незвычайныя паслугі Нацыянальнай бібліятэкі
Іншыя навіны

Нацыянальную бібліятэку па праве называюць захавальніцай ведаў. Сталічная славутасць нікога не пакіне абыякавым: яна прыцягвае незвычайнай формай будынка, ветлівым і прыязным калектывам, значным фондам дакументаў. Здаецца, тут можна праводзіць суткі напралёт: адпраўляцца ў прыгоды разам з галоўнымі героямі кніг, атрымліваць асалоду ад мастацтва і нават пісаць маштабныя навукова-даследчыя работы.

Але ці ўсё вы ведаеце пра “алмаз ведаў”? Ці цікавіліся яго гісторыяй, пра якую так займальна распавядаюць нашы экскурсаводы? Ці былі ў музеі кнігі, сярод экспанатаў якога – Біблія Францыска Скарыны, датаваная 1517–1519 гг.? Ці наведвалі міжнародныя выставы знакамітых мастакоў і ілюстратараў? Ці любаваліся прыгажосцю сталіцы з агляднай пляцоўкі?

А бібліятэка – гэта месца клопату не толькі пра дух! Фізкультурна-аздараўленчы комплекс з трэнажорнай залай і саўнай з радасцю сустрэне новых наведвальнікаў.

Больш падрабязную інфармацыю аб сацыякультурных паслугах “алмаза ведаў” можна даведацца ў нашай прэзентацыі:

Матэрыял пададзены аддзелам сувязей з грамадскасцю.

Навіны

Як падрыхтавацца да сесіі з дапамогай віртуальнай чытальнай залы НББ

15 Сту 2021

З чым у вас асацыюецца студзень? Хтосьці пры згадванні гэтага зімовага месяца адразу адчувае водар ігліцы, цытрусавых і атмасферу яркіх вечарын. А нехта – асабліва ў студэнцкія гады – не можа пазбавіцца думкі, што гэты час – суцэльныя дэдлайны, аўралы і сесія.

Бібліятэка анлайн

Акно ў мінулае: адкрыты доступ да электроннага інфармацыйнага рэсурсу “Станаўленне і развіццё бібліятэк Беларусі: архіўныя дакументы”

15 Сту 2021

Як адбывалася станаўленне беларускіх бібліятэк у першай палове ХХ стагоддзя? Хто мог стаць бібліятэкарам? Што такое чароўны ліхтар? Чаму першы дырэктар Беларускай дзяржаўнай бібліятэкі І.Б. Сіманоўскі прапанаваў паменшыць плошчу, адведзеную пад яго кватэру? Для чаго супрацоўнікі бібліятэкі вызваляліся ад працы на тэрмін да 3 дзён? Адказ на гэтыя і многія іншыя пытанні можна знайсці ў новым рэсурсе Нацыянальнай бібліятэкі Беларусі.

Бібліятэка анлайн

Гісторыя супервокладкі: ад скрынкі да рэкламы мыла і далей

14 Сту 2021

Паглядзім праўдзе ў вочы: выбіраючы кнігу, мы ўсе звяртаем увагу на вокладку. Кніжны дызайн цяпер набірае абароты, бо заўсёды прыемна мець прыгожа аформленую хатнюю бібліятэку. А зараз падумайце: колькі з вашых кніг захавалі супервокладкі? Што адбываецца з імі пасля куплі? Вы пазбаўляецеся ад іх, пакідаючы кнігу ў першапачатковым выглядзе, ці, наадварот, захоўваеце больш маляўнічую абгортку дзеля эстэтыкі?
Мы ўжо разабраліся з тым, чаму кнігі прамавугольнай формы і як яны сталі ўніверсальным падарункам. Самы час узяцца за супервокладку!

Аўтарскі погляд

Сэлфі ў музеі кнігі

15 Сту 2021

У студзені ў розных краінах свету праходзіць акцыя “Сэлфі ў музеі” (Museum Selfie Day), мэта якой – прыцягнуць увагу да музеяў і іх экспанатаў. Менавіта таму кнігазнаўцы Нацыянальнай бібліятэкі Беларусі зрабілі сэлфі на фоне сваіх улюбёных кніжных помнікаў у музеі кнігі.

Навіны Нацыянальнай бібліятэкі Беларусі

Тандэм натхнення

15 Сту 2021

З 15 студзеня па 22 лютага ў зале дакументаў па мастацтве (пам. 306) праходзіць кніжна-ілюстрацыйная выстаўка “Тандэм натхнення”, прысвечаная 90-годдзю з дня нараджэння беларускіх мастакоў Георгія Георгіевіча Паплаўскага (1931–2017) і Наталлі Мікалаеўны Паплаўскай (1931).

Кніжныя выстаўкі

Памяці песняра Беларусі

12 Сту 2021

12 студзеня спаўняецца 80 гадоў з дня нараджэння Уладзіміра Мулявіна – музыканта, кампазітара, заснавальніка ВІА “Песняры”. Да юбілею артыста падрыхтавана выстаўка “Памяці песняра Беларусі”, якая працуе ў зале нотных і аўдыявізуальных дакументаў (пам. 305) да 31 студзеня.

Кніжныя выстаўкі

Бібліятэкарам
111