2 снежня ў галерэі “Лабірынт” ладзілася прэзентацыя мастацка-публіцыстычнай кнігі Гусейнбалы Міраламава “Зарыфа Аліева”, выдадзенай на беларускай мове.
Арганізатары мерапрыемства – Пасольства Азербайджанскай Рэспублікі ў Рэспубліцы Беларусь і Нацыянальная бібліятэка Беларусі.
Кніга пісьменніка, дэпутата парламента Азербайджана Гусейнбалы Міраламава з серыі “Жизнь замечательных людей” прысвечаная вядомаму навуковаму дзеячу, знакамітаму вучонаму, афтальмолагу, акадэміку Зарыфе ханум Аліевай. Расказ пра жыццёвы шлях гэтай выдатнай жанчыны пабудаваны на архіўных матэрыялах, успамінах людзей, якія блізка яе ведалі, і дапоўнены фатаграфіямі, што дапамагаюць паўней раскрыць вобраз гераіні.
У прэзентацыі выдання ўзялі ўдзел пасол Азербайджанскай Рэспублікі ў Рэспубліцы Беларусь Ісфандыяр Вагабзадэ, першы намеснік міністра замежных спраў Рэспублікі Беларусь Ігар Петрышэнка, аўтар кнігі, дэпутат парламента Азербайджана Гусейнбала Міраламаў, дырэктар Нацыянальнай бібліятэкі Беларусі Раман Матульскі, старшыня камітэта па сацыяльнай палітыцы парламента Азербайджана, член рабочай групы па азербайджана-беларускіх міжпарламенцкіх сувязях Хады Раджаблі, старшыня ГА “Кангрэс азербайджанскіх абшчын” Натык Багіраў, доктар медыцынскіх навук, афтальмолаг Сяргей Пазняк, прадстаўнікі дыпламатычнага корпуса, дзяржструктур і СМІ Беларусі.
У рамках мерапрыемства аўтар выдання Гусейнбала Міраламаў перадаў у дар Нацыянальнай бібліятэцы Беларусі кнігу “Зарыфа Аліева” са сваім аўтографам.