25 сакавіка а 16-й гадзіне ў галерэі “Лабірынт” (3-ці паверх) адбудзецца прэзентацыя выдання Уладзіміра Мазго “Адвечныя скарбы Радзімы”.
Кніга выйшла ў свет намаганнямі рэдакцыйна-выдавецкай установы “Выдавецкі дом «Звязда»”. Яна распавядае пра гістарычную і духоўную спадчыну беларускага народа.
Пад час мерапрыемства сваё бачанне тэмы, адносіны да новага выдання выкажуць калегі Уладзіміра Мазго па паэтычным цэху, пісьменнікі і літаратуразнаўцы, а таксама мастак-афарміцель кнігі.
Госці атрымаюць магчымасць азнаёміцца з выданнем, а таксама з кніжнай экспазіцыяй Нацыянальнай бібліятэкі, прысвечанай духоўным і архітэктурным скарбам культурнай спадчыны Беларусі.
Тэлефон для даведак: (8 017) 293 27 56.
Е-mail: pr@nlb.by