ГалоўнаяНавіныКніжныя выстаўкі
Культурна-асветніцкі праект “Драма Першай сусветнай”
Прэзентацыя кнігі У. Мазго

Драма Першай сусветнай

Драма Першай сусветнай
Іншыя навіны

З 20 сакавіка па 31 кастрычніка ў Нацыянальнай бібліятэцы Беларусі (3-ці паверх, кальцавы калідор) арганізавана выстаўка “Драма Першай сусветнай”, прымеркаваная да 100-годдзя з пачатку Першай сусветнай вайны.


Любая вайна – гэта вялікая трагедыя для народа, у чыю краіну яна прыходзіць. Трагедыя Першай сусветнай вайны зламала мірны ход гістарычных падзей у Еўропе і лёс ўсяго чалавецтва.

Першая сусветная вайна суправаджалася каласальнымі ахвярамі і засталася адной з самых драматычных падзей ХХ ст. Толькі Беларусь страціла ў ёй каля паўтара мільёна чалавек. Мноства вайскоўцаў і мірных жыхароў засталіся калекамі. Вялікая колькасць нашых суайчыннікаў была змушана падацца на чужыну.

100 год мінула з пачатку трагедыі сусветнага маштабу. Мноства мемуараў, кніг, даследаванняў напісана пра гэтую катастрофу.

На выстаўцы “Драма Першай сусветнай” прадстаўлена каля 500 навуковых і навукова-папулярных выданняў з фонду Нацыянальнай бібліятэкі, што прысвечаны тэме Першай сусветнай вайны. Кнігі аб яе перадгісторыі, унутранай і знешняй палітыцы супрацьлеглых бакоў, пачатку і ходзе ваенных дзеянняў, ваеннай зброі і тэхніцы, значных бітвах і наступствах сусветнай катастрофы згрупаваны па раздзелах:

  • Падзея, што змяніла свет.
  • Напярэдадні катастрофы.
  • Ва ўладзе хаосу. Успаміны сучаснікаў.
  • Вялікая забытая вайна.
  • Зброя і ваенная тэхніка Першай сусветнай.
  • Бітвы вялікай вайны.
  • Генералы Першай сусветнай.
  • Марскія баталіі.
  • Беларусь у вялікай вайне.

У экспазіцыі прадстаўлены сучасныя кніжныя серыі: “Великая забытая война”, “Военно-историческая библиотека”, “Воспоминания” і рарытэтная серыя брашур, што выдавалася Гістарычнай камісіяй пры вучэбным аддзеле Г.Р.Т.З. “Война и культура”. Аўтары і выдаўцы ставілі сваёй задачай “даць шырокім масам шэраг недарагіх і даступных па мове і змесце кніжак, у якіх можна было б знайсці водгукі на ўсе падзеі бягучага моманту”.

Акрамя кніг, экспазіцыя змяшчае арыгінальныя паштоўкі з калекцыі вядомага ў Беларусі гісторыка і філакартыста Уладзіміра Аляксеевіча Ліхадзедава.

Тэлефон для даведак: (8 017) 293 29 80.

Да 100-годдзя пачатку Першай сусветнай вайны Нацыянальнай бібліятэкай Беларусі падрыхтаваны культурна-асветніцкія праекты "Драма Першай сусветнай" і "Перазвон стагоддзяў", а таксама віртуальны праект "Беларусь у Першай сусветнай".

Навіны

Выставачна-асветніцкае мерапрыемства, прысвечанае 200-годдзю з дня нараджэння Ф.М. Дастаеўскага

27 Ліп 2021

27 ліпеня ў Нацыянальнай бібліятэцы адбылося пленарнае пасяджэнне выставачна-асветніцкага мерапрыемства, прысвечанага 200-годдзю з дня нараджэння Ф.М. Дастаеўскага, і адкрыццё фотавыставы “Пецярбург Дастаеўскага”.

Навіны Нацыянальнай бібліятэкі Беларусі

Мой чытацкі спіс: навошта ім дзяліцца і ў чым наогул сэнс

28 Ліп 2021

У эпоху Інтэрнэту ўсё наша жыццё навідавоку. Фотаздымкі з паездак, душэўныя пасты ў сацсетках, нататкі пра хобі і любімыя фільмы хутка становяцца здабыткам грамадскасці – і нават чытанне. Што прымушае нас весці свае чытацкія дзённікі? Пахвальба, жаданне самасцвердзіцца ці проста прага да самавыяўлення? Давайце разбірацца – у спісах, кнігах і саміх сабе.

Аўтарскі погляд

“Ян Баршчэўскі, які любіў Бога, прыроду і людзей” – выстава ў музеі кнігі (+відэа)

23 Ліп 2021

22 ліпеня ў музеі кнігі Нацыянальнай бібліятэкі Беларусі адбылося адкрыццё выставы “Ян Баршчэўскі, які любіў Бога, прыроду і людзей”, на якой упершыню дэманструюцца разам аўтэнтычныя сведчанні пра знакамітага пісьменніка, аднаго з пачынальнікаў новай беларускай літаратуры.

Навіны Нацыянальнай бібліятэкі Беларусі

Садовае чараўніцтва: як Сесіль Мэры Баркер і кветкавыя феі змянілі кніжную ілюстрацыю

23 Ліп 2021

Вы калі-небудзь звярталі ўвагу, якія добрыя ілюстрацыі ў дзіцячых кнігах? Яны лёгкія, пяшчотныя, прыемныя воку і сэрцу – адно задавальненне... Праўда, мы зусім не ўспрымаем іх усур'ёз. У рэшце рэшт, гэта ж для дзяцей, а значыць, там шмат спрашчэнняў, умоўнасцей і зусім ніякай сур'ёзнасці, так? А вось і не. Кніжная ілюстрацыя можа быць сур'ёзнай, дакладнай і нават цалкам навуковай – не губляючы пры гэтым свайго чараўніцтва. Сёння мы пагаворым пра Сесіль Мэры Баркер, сапраўдную каралеву кветкавых фей, і пра батанічную ілюстрацыю.

Аўтарскі погляд

23 Ліп 2021

Пра бібліяаптэку мы яшчэ пагаворым. А зараз – пра рэчы не менш важныя. Свой першы твор Янка Купала напісаў па-польску, Якуб Колас – па-руску. Але кожны вярнуўся да родных вытокаў. Рашуча і канчаткова. Так бусел вяртаецца з выраю менавіта ў сваю буслянку…

Навіны бібліятэк

Бібліятэкарам