7 кастрычніка ў бібліятэцы адбылася прэзентацыя кнігі акцёра, рэжысёра, заслужанага артыста Беларусі Генадзя Давыдзькі “Лов слов: стихи, миниатюры, фразы”.
Кніга пабачыла свет у 2015 годзе. Вершы, мініяцюры, проста фразы, калісьці напісаныя, цяпер сабраныя ў кнігу “Лов слов”. Гэта трапяткая паэтычная лірыка, кранальныя, а часам вострыя мініяцюры, глыбокае веданне жыцця і смелы, знаходлівы гумар – у гэтым увесь аўтар.
Ілюстрацыі да выдання падрыхтаваны беларускай мастачкай Марынай Эльяшэвіч.
Моцна, арыгінальна, таленавіта і пазнавальна – менавіта так ацэньваюць кнігу ў беларускай культурнай супольнасці.
Падчас прэзентацыі ў адрас Генадзя Давыдзькі прагучалі цёплыя словы і віншаванні ад міністра культуры Рэспублікі Беларусь Барыса Святлова, дырэктара Нацыянальнай бібліятэкі Беларусі Рамана Матульскага.
На прэзентацыі кнігі “Лов слов” госці пазнаёміліся з некаторымі вершамі і мініяцюрамі ў выкананні самога аўтара, а таксама студэнтаў Беларускай дзяржаўнай акадэміі мастацтваў.
Выданне Генадзя Давыдзькі стала сапраўднай падзеяй у культурным жыцці нашай краіны.
 |
 |
 |
|
|
 |
|
|
|
 |
|
