ГалоўнаяНавіныНавіны Нацыянальнай бібліятэкі Беларусі
У Швейцарыі прайшлі мерапрыемствы ў гонар 400-годдзя першага ў свеце “Буквара”
Каб зацікавіць падлеткаў чытаннем і размаўляць з імі на складаныя тэмы – беларуска запусціла літаратурны анлайн-праект

Першы ў свеце “Буквар” прэзентавалі ў Літве

Першы ў свеце “Буквар” прэзентавалі ў Літве
Іншыя навіны

28 лістапада ў Літоўскай нацыянальнай бібліятэцы імя Марцінаса Мажвідаса ў Вільні адбылася ўрачыстая прэзентацыя факсімільнага выдання першай у свеце кнігі пад назвай “Буквар”. Выданне папоўніла калекцыі вядучых літоўскіх бібліятэк.

Правядзенне мерапрыемства ў Вільні вельмі сімвалічна.

У 1618 годзе ў друкарні Віленскага Свята-Духава праваслаўнага брацтва ў мястэчку Еўе (цяпер горад Вевіс), недалёка ад Вільні, быў выдадзены "Буквар". Падрыхтоўкай і выданнем кнігі займаліся манахі Віленскага Свята-Духава манастыра, які ў той час быў галоўным цэнтрам праваслаўнай асветы на беларуска-літоўскіх землях.

Мерапрыемства адкрылася анімацыйным ролікам, прысвечаным 400-годдзю першага “Буквара”. Перад гасцямі выступілі Надзвычайны і Паўнамоцны Пасол Рэспублікі Беларусь у Літоўскай Рэспубліцы Аляксандр Кароль і генеральны дырэктар Нацыянальнай бібліятэкі Літвы Раналдас Гудаўскас.

Намеснік дырэктара Нацыянальнай бібліятэкі Беларусі па навуковай рабоце і выдавецкай дзейнасці Аляксандр Суша расказаў прысутным пра рэалізацыю міжнароднага навуковага выдавецкага праекта па факсімільным узнаўленні першага “Буквара”. Ён таксама адзначыў, што факсіміле кніжнага артэфакта заклікана зрабіць гэты значны помнік асветніцкай думкі даступным для шырокай аўдыторыі.

У рамках прэзентацыі была прадстаўлена выстаўка выданняў беларускіх буквароў са збораў Нацыянальнай бібліятэкі Беларусі. Мерапрыемства завяршылася цырымоніяй дарэння факсімільных выданняў Нацыянальнай бібліятэцы Літвы, Бібліятэцы Акадэміі навук Літвы імя Урублеўскіх, Бібліятэцы Віленскага ўніверсітэта, Віленскай гімназіі імя Францыска Скарыны, Пасольству Рэспублікі Беларусь у Літоўскай Рэспубліцы, Свята-Духаву манастыру і Тракайскаму гістарычнаму музею.

Партнёрамі па факсімільным узнаўленні першага ў свеце “Буквара” выступілі Бібліятэка Ганаровага таварыства Мідл Тэмпл у Лондане, Пасольства Рэспублікі Беларусь у Злучаным Каралеўстве Вялікабрытаніі і Паўночнай Ірландыі, Міністэрства культуры Рэспублікі Беларусь, Міжнародная асацыяцыя беларусістаў, Беларускі дзяржаўны ўніверсітэт, Міністэрства адукацыі Рэспублікі Беларусь, Еўрапейскі банк рэканструкцыі і развіцця, а таксама Беларускі банк развіцця і рэканструкцыі “Белінвестбанк”.

Матэрыял падрыхтаваны аддзелам сувязей з грамадскасцю.

Фотаздымкі прадастаўлены Пасольствам Рэспублікі Беларусь у Літоўскай Рэспубліцы і нацыянальнай бібліятэкай Літвы.

Чытайце таксама:


Навіны

Знаёмыя і малавядомыя старонкі творчасці Агінскага

15 Ліс 2019

Дзяржаўны дзеяч, палітык, дыпламат і кампазітар. Міхал Клеафас Агінскі – імя, якое ведае кожны, а яго паланэз “Развітанне з Радзімай” з’яўляецца найбольш вядомым музычным творам. Аднак не многія ведаюць, што кампазітарам было напісана больш за 70 твораў, сярод якіх оперы, вальсы і мазуркі.

Навіны Нацыянальнай бібліятэкі Беларусі

Нацыянальная бібліятэка Беларусі на адной з галоўных у свеце дыскусійных пляцовак

15 Ліс 2019

Дырэктар Нацыянальнай бібліятэкі Беларусі Раман Матульскі прыняў удзел у рабоце VIII Санкт-Пецярбургскага міжнароднага культурнага форуму, які праходзіць з 14 па 16 лістапада 2019 г. i прысвечаны тэме культурных кодаў ва ўмовах глабалізацыі. Штогод Форум прыцягвае тысячы экспертаў і гасцей з усяго свету.

Навіны Нацыянальнай бібліятэкі Беларусі

Супрацоўнікі бібліятэкі сустрэліся з кіраўніком адміністрацыі Першамайскага раёна

14 Ліс 2019

14 лістапада ў Нацыянальнай бібліятэцы Беларусі прайшла сустрэча працоўнага калектыву з кіраўніком адміністрацыі Першамайскага раёна Ігарам Кудрэвічам.

Навіны Нацыянальнай бібліятэкі Беларусі

XVIII Міжнародная канферэнцыя “Развіццё інфарматызацыі і дзяржаўнай сістэмы навукова-тэхнічнай інфармацыі”

14 Ліс 2019

У Аб’яднаным інстытуце праблем інфарматыкі НАН Беларусі 21 лістапада 2019 года пройдзе XVIII Міжнародная канферэнцыя “Развіццё інфарматызацыі і дзяржаўнай сістэмы навукова-тэхнічнай інфармацыі (РІНТІ–2019)”.

Навіны бібліятэк

Валерый Славук прапануе чытаць Макса Фрая

14 Ліс 2019

У лістападзе прыхільнікаў графікі і ў прыватнасці творчасці Валерыя Славука парадавала з’яўленне новай серыі кніг – “Палац мастацтва” (і гэта невыпадкова, бо ўсе мастакі, творчасць якіх будзе адлюстравана на яе старонках, неаднаразова выстаўляліся ў галоўным храме мастацтва Беларусі).

Аўтарскі погляд

111