30 лістапада ў Нацыянальнай бібліятэцы Беларусі адбылася акцыя перадачы кніг Домам рускага замежжа імя Аляксандра Салжаніцына ў дар Нацыянальнай бібліятэцы Беларусі.
Арганізатарамі мерапрыемства выступілі Міністэрства культуры Рэспублікі Беларусь, Федэральнае агенцтва па справах Садружнасці Незалежных Дзяржаў, суайчыннікаў, якія пражываюць за мяжой, і па міжнародным гуманітарным супрацоўніцтве і Нацыянальная бібліятэка Беларусі.
Фонды Нацыянальнай бібліятэкі Беларусі папоўніліся кнігамі выдавецтва “Русский путь” і іншых шырокавядомых расійскіх выдавецтваў: мемуарнай літаратурай мысліцеляў і грамадскіх дзеячаў ХХ і ХХІ стст., даведачнымі і інфармацыйнымі выданнямі пра Маскву, працамі А. Салжаніцына, В. Аксёнава, Л. Уліцкай, Д. Рубінай і многіх іншых.
У мерапрыемстве прынялі ўдзел намеснік дырэктара Нацыянальнай бібліятэкі Беларусі па навуковай рабоце і сувязях з грамадскасцю Л.Г. Кірухіна, саветнік Пасольства Расійскай Федэрацыі ў Рэспубліцы Беларусь, прадстаўнік агенцтва “Россотрудничество” А.У. Фёдараў, саветнік Пасольства Расійскай Федэрацыі ў Рэспубліцы Беларусь С.В. Бярэзны, загадчыца аддзела па развіцці і сувязях з грамадскасцю Дома рускага замежжа імя А. Салжаніцына І.А. Лапухіна.
Сваю музычную творчасць гасцям прадставіў супрацоўнік Дома рускага замежжа расійскі бард В. Леанідаў.
 |
 |
 |
 |
 |
 |
