Калектыў Нацыянальнай бібліятэкі Беларусі наведаў Свята-Елісавецінскі жаночы манастыр – адзіны дзеючы манастыр горада Мінска, галоўная мэта якога – духоўная і сацыяльная дапамога хворым і пакутным людзям.
Даведаліся, што пры манастыры дзейнічаюць больш за дваццаць розных майстэрняў – іканапісная, швейна-вышывальная, свячная, сталярная, слясарна-механічная, сценапісна-мазаічная і інш.
Манастыр займаецца духоўна-асветніцкай дзейнасцю, мае сваё выдавецтва. Пры ім адкрыта гасцініца і трапезная для паломнікаў і некалькі манастырскіх крам.
У рамках экскурсіі наведалі:
- Ніжні храм у гонар Свяціцеля Мікалая Цудатворца (асвечаны 10 снежня 1999 г.)
- Верхні храм у гонар святой апякункі прападобнамучаніцы Лізаветы (асвечаны 2 студзеня 2005 г.)
- Храм у гонар іконы Божай Маці “Дзяржаўная” (асвечаны 20 кастрычніка 2008 г.)
- Царква ў гонар Царскіх страстацерпцаў (3 кастрычніка 2012 г.)
- Храм у імя свяціцеля Іаана Шанхайскага і Сан-Францыскага (2 чэрвеня 2019 г.)
Экскурсія падарыла калектыву бібліятэкі незабыўныя ўражанні і станоўчыя эмоцыі.
Матэрыял пададзены прафсаюзным камітэтам НББ.