14 лістапада ў дзіцячым пакоі Нацыянальнай бібліятэкі Беларусі прайшлі творчыя заняткі “Павучок”.
Пры дапамозе прыроднага матэрыялу (каштанаў, капялюшыкаў жалудоў, лісця дрэў) хлопчыкі і дзяўчынкі стварылі яркія сюжэтныя кампазіцыі. Вясёлыя павучкі “пасяліліся” на ажурным павуцінні і жоўтых восеньскіх лісточках.
Пад час заняткаў дзеці дружна адгадвалі загадкі пра насякомых, гулялі ў рухавыя гульні. Юныя ўдзельнікі ўспомнілі шмат казак, адным з герояў якіх быў павучок, і з цікавасцю паглядзелі на вялікім экране мультфільм “Муха-цакатуха”.