5 снежня на базе Нацыянальнай бібліятэкі Беларусі адбылося пасяджэнне Тэхналагічнага камітэта сістэмы карпаратыўнай каталагізацы бібліятэк Беларусі.
У наш час аб'ём Зводнага электроннага каталога бібліятэк Беларусі складае звыш 8 млн запісаў, з іх каля 6 млн бібліяграфічных і больш 2 млн аўтарытэтных запісаў. У 2019 г. бібліятэкамі краіны са зводнага каталога было экспартавана звыш 56 тыс. запісаў. Карыстальнікі каталога правялі больш за 560 тыс. пошукаў. У чытачоў Нацыянальнай бібліятэкі Беларусі, Рэспубліканскай навукова-тэхнічнай бібліятэкі, Цэнтральнай навуковай бібліятэкі НАН Беларусі з'явілася магчымасць анлайн-заказу дакументаў са зводнага каталога.
Сёлета завяршыўся этап фармавання рэгіянальнай сеткі Зводных электронных каталогаў бібліятэк Беларусі. Створаны Рэгіянальныя зводныя электронныя каталогі (РЗЭК) бібліятэк Мінскай і Віцебскай абласцей. Сёння ў склад шасці РЗЭК уключаны метаданыя фондаў 32 публічных бібліятэк і бібліятэчных сетак краіны сукупным аб'ёмам каля 3 млн запісаў.
Члены Тэхналагічнага камітэта сістэмы карпаратыўнай каталагізацыі бібліятэк Беларусі абмеркавалі праблемныя пытанні індэксавання дакументаў у сістэме, разгледзелі прапановы па вядзенні сайтаў 6 рэгіянальных зводных электронных каталогаў бібліятэк Беларусі.
У мерапрыемстве прынялі ўдзел 56 спецыялістаў бібліятэк краіны, якія ўдзельнічаюць у фарміраванні ЗЭК бібліятэк Беларусі. Для 23 прадстаўнікоў з Віцебскай, Гомельскай, Гродзенскай і Магілёўскай абласцей была арганізавана відэасувязь.
Прэзентацыі:
- “Аб вядзенні вэб-сайтаў рэгіянальных зводных электронных каталогаў”
- “Аб выніках работы бібліятэк у сістэме карпаратыўнай каталагізацыі і вядзення ЗЭК бібліятэк Беларусі за 2019 год”
Матэрыял прадастаўлены аддзелам бібліятэчна-інфармацыйных тэхналогій.
