5 лістапада ў анлайн-фармаце прайшоў семінар віртуальнай чытальнай залы Нацыянальнай бібліятэкі Беларусі для ўстаноў вышэйшай адукацыі і публічных бібліятэк рэгіёнаў Беларусі.
Удзельнікі абмеркавалі пытанні карпаратыўнага камплектавання электроннымі інфармацыйнымі рэсурсамі праз віртуальную чытальную залу Нацыянальнай бібліятэкі Беларусі, а таксама ўмовы і магчымасці інфармацыйнага абслугоўвання карыстальнікаў бібліятэк пры арганізацыі дыстанцыйнай адукацыі.
Запрошаным спікерам анлайн-семінара стала прадстаўнік групы кампаній “Інфра-М” Аксана Кандакова, якая пазнаёміла ўдзельнікаў з электронна-бібліятэчнай сістэмай “Znanium”.
Віртуальная чытальная зала адкрыта для супрацоўніцтва з усімі бібліятэкамі і інфармацыйнымі цэнтрамі нашай краіны па пытаннях падпіскі на ліцэнзійныя базы даных і навучання працы з імі.
Запрашаем да партнёрства!
Матэрыял пададзены аддзелам карпаратыўнага ўзаемадзеяння.
