Чытачы Нацыянальнай бібліятэкі Беларусі могуць аддалена выкарыстоўваць шырокі спектр інфармацыйных рэсурсаў на электроннай платформе “Znanium”.
На сённяшні дзень адкрытымі сталі электронныя калекцыі больш за 50 выдавецтваў Рэспублікі Беларусь і краін СНД (уключаючы выдавецтвы “Белорусская наука”, “Вышэйшая школа”, “Медицинская литература”, “Аспект-пресс”, “КАРО”, “Флинта” і інш.).
Гэта шырокі спектр выданняў па медыцыне, прыродазнаўчых, тэхнічных і сацыяльна-гуманітарных навуках.
Звяртаем увагу: доступ да гэтых выдавецкіх калекцый адкрыты да 1 чэрвеня 2020 года.
Працаваць з рэсурсамі можна ў любым зручным для вас пункце доступу. Для гэтага неабходна толькі зарэгістравацца на платформе (прапануем скарыстацца пакрокавай інструкцыяй).
Інфармацыя пра гэтыя і іншыя ліцэнзійныя электронныя рэсурсы і магчымасці аддаленай працы з імі, рэсурсы адкрытага доступу, а таксама рэсурсы, якiя ствараюцца НББ, даступна ў раздзелах “Электронныя інфармацыйныя рэсурсы” і “COVID-19: навуковыя рэсурсы вядучых сусветных выдавецтваў”.
Жадаем вам плённай работы і вучобы!
Матэрыял прадастаўлены аддзелам карпаратыўнага ўзаемадзеяння.