10 лістапада ў бібліятэцы адбыліся ўрачыстае падпісанне Пагаднення аб супрацоўніцтве паміж Нацыянальнай бібліятэкай Беларусі і Мінскай духоўнай акадэміяй і адкрыццё выставы “Сэрца, якое мілуе” памяці Мітрапаліта Філарэта (Вахрамеева), Першага Патрыяршага Экзарха ўсяе Беларусі, Героя Беларусі.
Падпісанне Пагаднення аб супрацоўніцтве паміж Нацыянальнай бібліятэкай Беларусі і Мінскай духоўнай акадэміяй – вынік шматгадовага ўзаемадзеяння па шэрагу напрамкаў сумеснай працы. Мэта падпісання Пагаднення – умацаванне супрацоўніцтва, рэалізацыя далейшых духоўна-асветніцкіх праектаў і праектаў па захаванні культурнай і кніжнай спадчыны. Падчас сустрэчы былі адзначаны працы спецыялістаў Нацыянальнай бібліятэкі ў рэалізацыі сумесных праектаў і ўручаны ўзнагароды.
Спецыяльнай падзякай Мінскай духоўнай акадэміі за ўклад у развіццё супрацоўніцтва паміж Мінскай духоўнай акадэміяй і Нацыянальнай бібліятэкай Беларусі адзначана генеральны дырэктар Нацыянальнай бібліятэкі Беларусі Аксана Кніжнікава, за шматгадовае плённае супрацоўніцтва калектыў Нацыянальнай бібліятэкі Беларусі.
Падзяку Патрыяршага Экзарха ўсяе Беларусі мітрапаліта Мінскага і Заслаўскага Веніяміна атрымалі Радміла Букач, начальнік сацыякультурнага цэнтра, Ірына Васільковіч, загадчыца аддзела галерэйна-выставачнай дзейнасці, Аксана Варанецкая, загадчыца аддзела камплектавання фондаў, Мар’яна Жукоўская, загадчыца сектара дакументаабмену і пераразмеркавання дакументаў аддзела камплектавання фондаў, Ала Лазнюха, вядучы бібліятэкар сектара міжбібліятэчнага абанемента і электроннай дастаўкі дакументаў аддзела бібліятэчнага абслугоўвання, Ала Шарамецьева, начальнік інфармацыйнага цэнтра, Жанна Рысева, загадчыца аддзела бібліятэчна-інфармацыйных тэхналогій, Зоя Пятроўская, загадчыца сектара развіцця фарматаў BELMARC аддзела бібліятэчна-інфармацыйных тэхналогій, Наталля Шамко, галоўны бібліятэкар сектара развіцця фарматаў BELMARC аддзела бібліятэчна-інфармацыйных тэхналогій, Алена Ішуціна, загадчыца сектара падтрымкі сістэмы карпаратыўнай каталагізацыі аддзела бібліятэчна-інфармацыйных тэхналогій, Таццяна Карнілава, загадчыца сектара арганізацыі і навуковай апрацоўкі фондаў навукова-даследчага аддзела кнігазнаўства, Галіна Кірэева, галоўны бібліёграф сектара арганізацыі і навуковай апрацоўкі фондаў навукова-даследчага аддзела кнігазнаўства, Андрэй Бялятка, намеснік загадчыка інфармацыйна-вылічальнага аддзела.
У рамках акцыі “Разам у новы век” бібліятэка перадала Мінскай духоўнай акадэміі 100 асобнікаў кніг, сярод якіх – выданні па гісторыі Беларусі, гісторыі рэлігіі, філасофіі і краязнаўстве.
Падчас мерапрыемства адбылося адкрыццё выставы “Сэрца, якое мілуе” памяці мітрапаліта Філарэта (Вахрамеева), Першага Патрыяршага Экзарха ўсяе Беларусі, Героя Беларусі.
У экспазіцыю ўвайшлі 18 сюжэтных планшэтаў з фотаздымкамі і больш за 40 розных кніжных выданняў прац мітрапаліта Філарэта, выданні, прысвечаныя жыццю і дзейнасці Першага Патрыяршага Экзарха.
Музычнае суправаджэнне мерапрыемства – лаўрэат і ўладальнік гран-пры шматлікіх міжнародных конкурсаў і фестываляў, уладальнік гран-пры Першага Патрыяршага фестывалю “Святло Хрыстова” сярод архірэйскіх хораў Рускай праваслаўнай царквы Мітрапалічы хор Свята-Духава кафедральнага сабора г. Мінска. Мастацкі кіраўнік – рэгент Віталь Сабалеўскі.
Арганізатарамі мерапрыемства выступілі: Нацыянальная бібліятэка Беларусі, Мінская духоўная акадэмія імя свяціцеля Кірылы Тураўскага Беларускай праваслаўнай царквы, Бібліятэка імя мітрапаліта Філарэта (Вахрамеева) Мінскай духоўнай акадэміі, прыход храма святога благавернага князя Аляксандра Неўскага ў г. Мінску, Мітрапалічы хор Свята-Духава кафедральнага сабора г. Мінска.
Матэрыял пададзены аддзелам сувязей з грамадскасцю.
