8 і 9 кастрычніка ў межах культурна-пазнавальных сустрэч “Па-за вернісажам” магістранты БДАМ і іншыя жыхары Мінска наведалі выставачны праект “Сімвал беларускай нацыянальнай культуры”, прысвечаны 100-годдзю Нацыянальнага акадэмічнага тэатра імя Я. Купалы.
Гледачы даведаліся аб гісторыі стварэння тэатра, знакамітых постацях, якія паўплывалі на развіццё нацыянальнай сцэны Беларусі. Пабачылі рэдкія выданні класікаў айчыннай літаратуры, арыгінальныя эскізы знакамітага тэатральнага мастака А. Марыкса, фотаздымкі з архіва тэатра, тэатральныя касцюмы і інш. цікавыя экспанаты.
Дамовіцца аб знаёмстве з гэтай і іншымі выстаўкамі галерэйна-выставачнага комплексу, замовіць час і дату можна па e-mail gal.nlb@gmail.com. Сустрэчы праводзяцца з невялікімі (ад 6 да 10 чалавек) групамі ўдзельнікаў.
Уваход – па чытацкім білеце або білеце сацыякультурнага цэнтра.
Ласкава запрашаем у нашу гасцінную творчую прастору па-за вернісажамі!
Матэрыял пададзены аддзелам галерэйна-выставачнай дзейнасці.