16 чэрвеня новаму будынку Нацыянальнай бібліятэкі Беларусі спаўняецца 10 гадоў. У гэты дзень тут высадзіцца незвычайны дэсант!
Бібліятэка адкрые для наведвальнікаў не толькі свае дзверы, але і самае сэрца. Роўна ў 16.00 пачнецца адлік часу для ўдзельнікаў квэсту “Бібліядэсант”, якія атрымаюць унікальную магчымасць па-новаму зірнуць на “дыямент ведаў”, прыадчыніць яго таямніцы і, выявіўшы знаходлівасць і кемлівасць, заваяваць ключы да скарбніцы ведаў.
Удзел у квэсце – абсалютна бясплатны, але колькасць месцаў абмежавана! Заяўкі прымаюцца ад усіх жадаючых старэй 16 гадоў, высылайце іх па адрасе: nlbkvest@gmail.com.
Даведацца пра падрабязнасці гульні можна па спасылцы: vk.com/bibliodesant.
10 гадоў у новым будынку – гэта тысячы маштабных праектаў, рэспубліканскіх і міжнародных мерапрыемстваў, больш за 200 мастацкіх і каля 2 000 кніжных выставак.
Да знамянальнай даты бібліятэка падрыхтавала мастацкую экспазіцыю “150 выставак у плакаце”, якая прадставіць да ўвагі гасцей каля 50 афіш да найбольш значных мастацкіх праектаў і каля 100 афіш да арыгінальных кніжных выставак.
Да 10-годдзя новага будынка будзе арганізавана таксама кніжна-дакументальная выстаўка “Выдавецкія праекты Нацыянальнай бібліятэкі Беларусі. 2006 – 2016”. Цэнтрам экспазіцыі стануць праекты і ініцыятывы бібліятэкі па захаванні кніжнай спадчыны Беларусі. У музеі кнігі ладзіцца выстаўка “Бібліятэцы ў дар: да 10-годдзя «беларускага дыямента»”, дзе прадстаўлены дары партнёраў, гасцей і проста сяброў бібліятэкі з 2006 да 2016 г.
Такім чынам: СТАРТ – 16 чэрвеня 2016 года ў 16.00.
Тэлефон для даведак: (8 017) 293 27 56.
Е-mail: pr@nlb.by