14 чэрвеня а 18-й гадзіне ў зале адукацыйных тэхналогій (пам. 346) у рамках праекта “Навука па-за сабой” адбудзецца навукова-папулярная лекцыя “Гісторыя моў свету: здагадкі і факты”.
Пра міфы і факты ў гісторыі моў свету раскажа кандыдат філалагічны навук, дацэнт Таццяна Віктараўна Бабко. З лекцыі вы даведаецеся пра моўныя сем'і і развіццё мовы, пра тое, як вызначыць іх сваяцтва і ці магчыма прасусветная мова – гіпатэтычны продак усіх моў свету.
Нацыянальная бібліятэка Беларусі падрыхтуе да лекцыі тэматычную выстаўку, на якой будуць прадстаўлены навуковыя, навукова-папулярныя і даведачныя выданні па гісторыі моў свету.
Арганізатарамі мерапрыемства выступаюць грамадская арганізацыя “Маладзёжны адукацыйны цэнтр «Фиальта»”, Нацыянальная бібліятэка Беларусі і інтэрнэт-магазін OZ.by.
Удзел у лекцыі бясплатны. Колькасць месцаў абмежавана, таму неабходна рэгістрацыя, якую можна прайсці па спасылцы vk.com/naukavs або fb.com/naukavs.
Уваход на мерапрыемства – правы бакавы.
Тэлефон для даведак: (8 017) 293 27 56.
Е-mail: pr@nlb.by
