1 красавіка адбудзецца вечар гумару “Несур'ёзна пра сур'ёзнае”, арганізаваны бібліятэкай сумесна з выдавецтвам “Чатыры чвэрці” і Саюзам пісьменнікаў Беларусі.
У межах мерапрыемства пройдзе прэзентацыя кніг выдавецкай серыі “Несур'ёзна пра сур'ёзнае”. Удзельнікаў вечара чакае сустрэча з пісьменнікамі-гумарыстамі, мастаком Валянцінам Губаравым, карціны якога ляглі ў аснову мастацкага афармлення кніг. У выкананні аўтараў прагучаць гумарэскі, фельетоны, літаратурныя пародыі. З жартоўнымі музычнымі творамі перад гасцямі выступіць камерны хор “Класіка”, вясёлы настрой падорыць дзіцячы танцавальны калектыў.
Пад час імпрэзы будзе арганізавана выстаўка-прагляд кніг выдавецтва “Чатыры чвэрці” з фонду Нацыянальнай бібліятэкі Беларусі. Выдавецтва арганізуе продаж кніг і магчымасць узяць аўтограф у аўтараў выданняў.
Пачатак мерапрыемства ў 16.30 у галерэі “Лабірынт” (3-ці паверх).
Тэлефоны для даведак: (8 017) 293 27 56, 293 29 80.
Е-mail: pr@nlb.by
