ГалоўнаяНавіныНавіны Нацыянальнай бібліятэкі Беларусі
З інфармацыйнай гавані віртуальнай чытальнай залы НББ – у віртуальнае падарожжа па Віцебшчыне
“Мае дзевяностыя”. Аўтограф-сесія Альгерда Бахарэвіча – 17 студзеня

Прадстаўляем новае электроннае выданне бібліятэкі

Прадстаўляем новае электроннае выданне бібліятэкі
Іншыя навіны

У продаж паступіла электроннае выданне “Станаўленне беларускай дзяржаўнасці: па старонках беларускіх газет 1917–1922 гг.”, прэзентацыя якога адбылася 10 студзеня. Гэта сумесны праект Нацыянальнай бібліятэкі Беларусі і Нацыянальнага архіва Рэспублікі Беларусь.

На двух дысках размешчаны электронныя копіі каля 2 400 нумароў газет (амаль 80 назваў), якія выходзілі ў 1917–1922 гг. на тэрыторыі сучаснай Беларусі і за яе межамі, але мелі дачыненне да Беларусі. На першым дыску размешчаны алічбаваныя копіі газет з назвамі ад літары “А” да “К”, на другім – ад “Л” да “Я”. Інтэрфейс двухмоўны: інфармацыя прадстаўлена на беларускай і рускай мовах.

Disc_1.jpg

Структура электроннага выдання:

  1. Ад складальнікаў
  2. Унучак А. У. Беларускі друк у перыяд станаўлення нацыянальнай дзяржаўнасці. 1917–1922 гг.
  3. Беларускія газеты 1917–1922 гг.

Кантэнт электроннага выдання складаюць газеты розных грамадска-палітычных сіл – ад хрысціянска-дэмакратычнай “Krynica” да бальшавіцкай “Звезды”.

У DVD уключаны газеты, якія былі выдадзены не толькі ў Мінску (21 перыядычнае выданне), але ў іншых гарадах: Вільні (18), Віцебску (12), Магілёве (10), Гродне (6), Гомелі (5), Бабруйску (4), Маскве (3), Оршы (3), Смаленску (2), Варшаве (1), Мазыры (1), Полацку (1), Маладзечне (1), Рагачове (1).

У выданне ўвайшлі газеты пераважна на рускай і беларускай мовах, 2 перыядычныя выданні прадстаўлены на польскай мове – “Dziennik Grodzieński” (“Гродзенская газета”, Гродна) і “Głos robotniczy” (“Рабочы голас”, Вільня). Віленскія выданні “Homan” і “Krynica” надрукаваны лацінскім шрыфтам і кірыліцай.

Пошук можна ажыццяўляць па назве газеты (яны размешчаны ў алфавітным парадку), а таксама па месцы выдання.

Disc_3.jpg

Калі выбраць канкрэтную газету, то адразу ў вокнах прыводзяцца ўсе яе нумары (з указаннем даты выхаду), поўны бібліяграфічны запіс на перыядычнае выданне і адкрываецца першая старонка выдання, клікнуўшы на якую можна адкрыць электронную копію ўсяго нумара газеты.

За працяглы перыяд свайго існавання газеты сталі крыніцай фарміравання грамадскай свядомасці, яны спрыялі станаўленню нацыянальнай дзяржаўнасці, мовы, культуры, развіццю мастацтва і літаратуры. Для даследчыкаў газеты з’яўляюцца багатым фактаграфічным матэрыялам, які можна выкарыстоўваць як крыніцазнаўчую базу для вывучэння гісторыі Беларусі, правядзення гісторыка-аналітычных даследаванняў розных аспектаў палітычнага, эканамічнага, сацыяльна-культурнага жыцця краю.

Электроннае выданне разлічана на вучоных, выкладчыкаў, аспірантаў, магістрантаў, студэнтаў ВНУ, краязнаўцаў, а таксама на ўсіх зацікаўленых айчыннай гісторыяй.

Камплект дыскаў “Станаўленне беларускай дзяржаўнасці: па старонках беларускіх газет 1917–1922 гг.” можна набыць па падпісцы або купіць у кіёску, размешчаным на 1-м паверсе каля галоўнага ўвахода. Рэжым работы кіёска адпавядае рэжыму работы бібліятэкі.

Матэрыял прадастаўлены інфармацыйна-аналітычным аддзелам.

Навіны

180 гадоў назад адкрылася Горы-Горацкая земляробчая школа

15 Жні 2020

15 жніўня 1840 г. у маёнтку Горы-Горкі Магілёўскай губерні была ўрачыста адкрыта земляробчая школа, пазней ператвораная ў земляробчы інстытут – папярэднік сучаснай Беларускай дзяржаўнай сельскагаспадарчай акадэміі.

Па старонках беларускага календара

Набокаў і прапаганда

15 Жні 2020

З Набокавым – няпроста.
Гэта я зразумела, калі размаўляла з адным са знаёмых, які мае вельмі ўскоснае дачыненне да літаратуры (і чытання ўвогуле).

Аўтарскі погляд

Кнігі пра нашу краіну перададзены ў Лондан

14 Жні 2020

Нацыянальная бібліятэка Беларусі працягвае дабрачынную акцыю “Пра Беларусь – беларусам замежжа”, якая садзейнічае распаўсюджванню інфармацыі пра нашу краіну, папулярызацыі інфармацыйных рэсурсаў, якія адлюстроўваюць багацце яе гісторыка-культурнай і прыроднай спадчыны, а таксама пашырэнню інфармацыйнага ўзаемадзеяння з аб'яднаннямі беларускай дыяспары ў замежных краінах.

Навіны Нацыянальнай бібліятэкі Беларусі

Пра культурную спадчыну нашай краіны – у дакументальным праекце АНТ “Беларусь. Сталенне”

13 Жні 2020

Кожная краіна ганарыцца сваімі дасягненнямі. І Беларусь не выключэнне, нашы поспехі – у самых розных галінах. Сёння цікавасць беларусаў да культурнай спадчыны не знікае, а толькі павялічваецца. Мы ганарымся сваім мінулым і духоўнымі дасягненнямі.

Навіны Нацыянальнай бібліятэкі Беларусі

Раман Матульскі: Нам усім неабходна стаяць на традыцыях і каранях талерантнасці, якія замацаваліся ў нашым народзе, на тых духоўных хрысціянскіх і еўрапейскіх каштоўнасцях, на якія на працягу стагоддзяў абапіраліся нашы продкі

13 Жні 2020

Вядомыя дзеячы культуры і мастацтва, сярод якіх і генеральны дырэктар Нацыянальнай бібліятэкі Беларусі Раман Матульскі, заклікаюць беларусаў праявіць мудрасць і талерантнасць.

Навіны Нацыянальнай бібліятэкі Беларусі

Беларускі фальклор і “Век людзей”

13 Жні 2020

З красавіка 2019 года ў літаратурным часопісе “Маладосць” друкуецца фэнтэзійны раман “Век людзей” супрацоўніцы аддзела суправаджэння інтэрнэт-партала НББ Маргарыты Латышкевіч.
Ці варта сёння пісаць фантастыку і дзе карані “Века”? Аўтарка, якая вядзе на партале НББ чытацкі блог, распавяла пра свой вопыт напісання вялікай прозы.

Аўтарскі погляд

Супрацоўнік Нацыянальнай бібліятэкі ўзяў удзел у перадачы тэлеканала “Россия 1”

12 Жні 2020

Андрэй Бараноўскі, галоўны бібліёграф НІА бібліяграфіі Нацыянальнай бібліятэкі Беларусі, гісторык-краязнаўца, аўтар кнігі “Лепельское пехотное училище”, узяў удзел у тэлевізійнай перадачы тэлеканала “Россия 1” з цыкла “Память огненных лет”.

Навіны Нацыянальнай бібліятэкі Беларусі

111