Пачынаецца новы навучальны год. Для навучання пошуку інфармацыі і адаптацыі да ўмоў працы ў нашым будынку мы праводзім па папярэдніх заяўках бясплатныя групавыя заняткі. На занятках можна навучыцца карыстацца разнастайнымі рэсурсамі Нацыянальнай бібліятэкі Беларусі – ад простага пошуку ў электронным каталогу да працы з базамі даных і Інтэрнэтам.
Нацыянальная бібліятэка прапануе таксама тэматычныя заняткі ў адпаведнасці з профілем навучання студэнтаў і аглядныя заняткі па асноўных рэсурсах і паслугах бібліятэкі.
Магчыма правядзенне як асобных заняткаў па выбары, так і ўсяго комплексу не толькі ў самой бібліятэцы, але і ў навучальнай установе ў зручны для слухачоў час.
Кожную апошнюю сераду месяца праходзяць бясплатныя заняткі па афармленні бібліяграфічных спісаў, на якіх можна навучыцца правільна складаць спісы літаратуры ў адпаведнасці з патрабаваннямі ВАК РБ.
Для студэнтаў першых курсаў ВНУ і ССНУ прапануем платныя групавыя заняткі: экскурсія па бібліятэцы, сумешчаная з кароткай агляднай прэзентацыяй інфармацыйных рэсурсаў, паслуг і сэрвісаў бібліятэкі.
Кантактныя тэлефоны:
- аддзел экскурсійнага абслугоўвання, платныя экскурсіі з азнаямленчай прэзентацыяй: (8 017) 293 27 66, 293 29 30;
- аддзел даведачна-інфармацыйнага абслугоўвання, бясплатныя заняткі: (8 017) 293 27 39 (Тулупава Алена Вячаславаўна, загадчыца аддзела).
